IV. Вывучэнне матэрыялу.

а) Пясняр сялянскай долі (стар. 96-99)

Асноўную частку ўрока зойме складанне простага плана. Вучні будуць чытаць матэрыял апавядання па абзацах, выдзяляць у кожным з іх галоўнае, сцісла фармуляваць яго і запісваць гэта ў сшытак, паставіўшы перад запісам парадкавую лічбу.

Пачынаць работу патрэбна са знаёмства вучняў з памяткай.

Памятка. Складанне простага плана.

1. Падрыхтуй сшыткі для работы.

2. Запішы дату, назву тэмы, від работы (план).

3. Уважліва прачытай матэрыял абзаца.

4. Вылучы ў прачытаным галоўную думку.

5. Як мага больш коратка яе сфармулюй.

6. Затым абазнач лічбай і запішы гэта ў сшытак.

Вучні паўтараюць правілы памяткі, затым рыхтуюць сшыткі для работы і робяць неабходныя запісы ў іх (назва тэмы, від работы).

Запісаны на класнай дошцы план апавядання закрываецца створкамі дошкі або картай, і вучні прыступаюць да работы.

Абзац 1.

Прачытанае вучнямі ўслых настаўнік каменціруе. У ім выдзяляюцца апорныя веды.

1. Галоўнае багацце— зямля.

2. Яна належала панам.

3. За карыстанне зямлёй сяляне выконвалі павіннасці, гэта значыць, яны былі заняволены (пазбаўлены былой волі).

4. Гэта адбылося ў канцы XVI стагоддзя.

5. Заняволеных сялян інакш называлі прыгоннымі.

Запіс у сшытку:

Прыгонны - гэта поўнасцю заняволены селянін.

Схема

Пажадана выкарыстаць гэтую схему. Яна дапаможа настаўніку больш даступна растлумачыць матэрыял, а вучням лепш зразумець сутнасць адмены прыгоннага права (матэрыял наступнага абзаца).

Запіс у сшытку (першы пункт плана) :