Поместнаго собора до Антиохии Сирстеи. Правило 13. 4 страница

От единаго бо вси Святаго Духа озарени бывше, повелеша яже на ползу. И их же проклятию предаша, и мы проклинаем, и их же извержению, и мы извергаем, и их же запрещению, и мы запрещаем, и их же отлучению, и мы отлучаем.

Не[294] сребролюбен имуще нрав, но доволни сущими, иже взошедый на третие небо и слышав неизглаголанныя глаголы, Павел, божественный апостол, яве вопиет.

Т олкование.

П ри Константине царе, внуце треклятаго и богоненавистнаго Лва гноеименитаго[295], и при Ирине, матери его, яже бе от Афинеи, сей Седмый собор (л. 75 об.)[296] бысть 367 богоносных отец советом и умолением Тарасия священнаго патриарха[297] Константиняграда. Собор же сих бысть на иконоборцы, рекше на оклеветающия христианы, и сих прокленше. Церкви же древнюю красоту ея дароваша, и иконная воображения той имети, и любезно облобызати сия добре заповедавше. Тако же и образу Честнаго Креста покланятися и облобызати его повелевше. Святых же и прехвалных апостол правила и святых вселенских шестих собор, к сим и поместных собравшихся, утвердивша. Проклятыя же от них, проклиняют и сии, осужденныя же (л. 76)[298] от них некоего ради греха или изверженыя, такожде и сии осуждают, отлученыя же от них, отлучают, и запрещением повинных от них запрещают равно, ничто же приложивше или отъемше от святых апостол и от богоносных отец, изложеных и повеленых.

Сим сице рекшимся от блаженнейшаго Александрийскаго, Иеремии, всесвятеишии патриарх, рече: Сия убо вси исповедахом, абие же священноначалства, наипаче же и самого Божественнаго крещения сподобльшеся исповедуем. Святый собор, рече, вси исповедуем и у всех сия хранима быти повелеваем, якоже отцем нашим вси последующе, и яже (л. 76 об.)[299] целуют они, целуем мы, и яже отметают, тако и мы отметаем, якоже и первое правило святаго и вселенскаго, иже в Халкидоне, собора прознаменова и первое 7-го изъясни.

Мелетии блаженнеишии Александрийскии рече: Понеже патриаршеских престолов поставление бе убо и древним неким обычаем соборныя церкве, прежде начертавшися, яснее же изобразися по святому вселенскому первому собору, яко сего 6-е правило показует имать же сице. Древний обычай да держится, иже во Египте и Ливии и Пендаполии, якоже Александрьскому епископу всех сих имети власть, понеже и в Риме сей обычей есть, (л. 77)[300] подобне же и во Антиохии и во иных областех началства цела сохраняема от церквей. Соборне же произъявлено оно, яко аще кто был бы епископ без митрополичьи мысли, таковому великии собор устави не быти епископом. И Седмый, на нем же Иерусалимскии почтиша престол ради Спасителя нашего, по плоти смотрения во оной стране бывшаго, подавше подобную честь, аще и последний иных патриаршеских престол да не бы мечтание некое подали, паче иных предпочитавше, Христово Царство славити земное.

Подобает же и мне благочестивейшим грамотам боговенчаннейшаго царя отвещати. Молю и ваше благоволение, аще праведная (л. 77 об.)[301] глаголати явихся бых и отеческих уставов держащаяся, искусити и сопричтати соборне, сужду, убо праведне быти Божиим человеколюбием и благодатию, украшенный царством град православнеиший Московский и в церковных величатися вещех по 28-му 4-го собора правилу 630 святых отец, в Халкидоне сошедшихся, глаголющему сице «везде святых уставом последующе», и ныне прочтеное правило 150 боголюбезнеиших епископов, собравшихся при благочестивыя памяти великом Феодосии, бывшем царе, в царствующем в Константинополи, Новем Риме ведуще. Таяжде и мы уставляем же и судим о стареишинствах святейшия церкве (л. 78)[302] тогожде Константинополя Новаго Рима, занеже царьствовати граду оному отцы в лепоту даша старейшинство. И тою же мыслию движащеся 150 боголюбезнейшии епископи равная стареишинства воздаша Новаго Рима святеишему престолу, благословно разсудивша царством и сигклитом почтенному граду и равное получившему достоинство стареишему царьствующему Риму и во церковных, яко оному, величатися вещех, второму по оному сущу. И яко Понтииския и Асииския и Фракииския страны митрополитом токмо, еще же и иже в варварских епископом предреченных стран, рукополагатися от предреченнаго святеишаго престола (л. 78 об.)[303] Константинополския святеишия церкве, рекше коемуждо митрополиту предреченных стран со епископы области поставляющу епископы, якоже Божественными правилы повеленое есть. Рукополагати же ся, якоже речеся, митрополитом предреченных стран от Константинополскаго архиепископа уставом согласным по обычаю бываемым и возносимым к нему. Глаголет же и константинополское святых отец правило 73: Константинополскому убо епископу имети стареишинство чести по римском епископе, заеже быти ему Константинополю Новому Риму.

Нони же святыи великии собор 318 богоносных отец является иным неким (л. 79)[304] словом разделивше чины же и уставы и власти патриаршеским престолом, их же изобрази, токмо ко царским достоинством Александрию председателствующу Египта, Ливию и прочих, Антиохию же и Ассирию и всего Востока. Якоже во Европе Рим, тако и Асии Константинополь, иже и потом равных сподобись санов стараго Рима, заеже пренесену быти оттуду семо царству, якоже пределяет[305] и 36-е, еже в Трулле полатнем, святаго собора правило, имущее сице: Обновляюще от 150 святых отец, в богохранимом сем и во царствующем граде сошедшихся, и от 630, в Халкидоне собравшихся, законоположенная уставляем, (л. 79 об.)[306] яко константинополскому престолу равная восприимати достоинства стараго Рима престола и в церковных якоже оному величатися вещех, второму по оном сущу. Понеже Александрии великаго града и по сем Иерусалима града праведно убо сужду и святый сей и великии собор судити молю, престолу благочестивейшаго и православнаго града Москвы быти же и нарицатися патриархиею, заеже царьства сподобитися от Бога стране сей[307]. Всеи же Росии и северной стране повиноватися патриаршескому престолу московскому и всеа России и северных стран, имети место свое по святеишем Иерусалимском патриарсе во священных помянниках (л. 80)[308] и в церковных собраниях, да предреченная святых отец правила непоколеблема соблюдаем. Преимуществовати же ся епископом, митрополитом, архиепископом во всей соборной православней Христове церкви. Епархии же оной Московской и всеа России и северных стран главе быти и извествоватися по 34-му правилу святых и всехвалных апостол, сице повелевающему:

Епископом коегождо языка подобает ведати иже в тех перваго и имети яко главу, и ничто же творити излишнее без оного мысли. Оная же токмо коемуждо творити, елика его епархии должная суть и сущим под нею странам.

Нони же (л. 80 об.)[309] он без всех мысли что да творит, тако бо единомыслие будет и прославится Бог Господем во Святем Дусе, Отец и Сын и Святый Дух.

Брату же быти и глаголатися православных патриархов, сиим именованием единочинну и сопрестолну, равну же чином и достоинством написоватися и подписовати же ся по обычаю православных патриархов «патриарх Московскии и всеа Росии и северных стран».

По рукоположении же хранити же ся чину церковному, первопрестолному, возглашающу молитву. Аз убо сия тако сужду, святый же собор да изъявит умышление.

Иеремии всесвятеишии вселенскии рече: (л. 81)[310] Се и мы первие содеяхом и написанно изъявихом благочестивейшему царю.

Софроний Иерусалимский рече: Святеишии патриарх рече: Сам непреложно обновляю.

Святый собор единодушно рече: Сие понеже по святым законом уставися, вси приемлем и сие о царстве оном уставляем, да благочестивейшии царь Московскии самодержец всеа Русии и северных стран, якоже доднесь во священных службах восточных церквах имать память свою и во святых предложениах и во священных помянниках, такоже и в начале шестопсалмия, по совершении двою псалму о царе глаголем, возглашается по возгласию оному, (л. 81 об.)[311] по имени яко православнеишии царь.

Вси реша и сие благословно есть.

Уставляем же и сие, яко подобает послану быти деянию сему, писании нашими утверженному, ко благочестивейшему царю Московскому и всясвятейшему Иову патриарху всеа Русии и северных стран.

Вси реша угодно.

К сим же подписаша руки своя и печатми запечатлеша в вечное утвержение.

Како же ты, расколниче неполный умом, чрез апостольския правила и чрез святых седми вселенских соборов дерзаеши ответы творити на погибель христианским душам? Видел ли еси деяние святых отец, яко ничто же смеюще отложити (л. 82)[312] или приложити, но и новины реша погубляти, тии глаголют, яко глагола патриарх всем епископом, да будет. А ты глаголеши ничто же, развее таков же.

Паки глаголеши, яко римская слава и честь преиде на Москву. Откуду ты то навык, покажи ми. Се видел еси деяние святых отец собора в Костантинополи и ничто же о сем глаголано бысть в них, якоже выше писано есть, но равночестием Московскии патриарх Иерусалимскому почтен в помяннике же по Иерусалимском патриарсе. И радуемся в таком уставе и утверждении пребывати, а не преходити меры и устава святых отец святейших вселенских патриарх.

(л. 82 об.)[313] Еже ты глаголеши против десятого вопросу во ответе своем, яко Христос глава есть, а архиерей толко глаза и уста, а мирския люди составы.

П равило святых апостол 55.

А ще[314] который причетник досадит епископу да извержется. Писано бо есть, князю людей своих да не речеши зла.

Т олкование.

Е пископи убо по образу суще Господа нашего Иисуса Христа и глава церковнаго телесе именуеми и болшия чести достойни суть. Тем же, аще кто досадит им, да измещется. Презвитери же и диакони по образу суще рук, яко теми церковное правления содевает епископ, чести убо и тии достойни суть, но не тако, (л. 83)[315] якоже епископи, глава бо рук честнеиши есть.

С обора в Новей Кесарии правило 14.

С елстии[316] епископи суть убо по образу 70 апостол. Градстии же по образу 12 святых апостол. Всем же глава патриарх, якоже выше есть писано, а не якоже ты, расколниче, глаголеши.

34-е правило святых апостол, такожде собора во Антиохии Сирстей 9-е правило и митрополита старейшим почитати велят. Ты же, не имея или не ведая Божественаго Писания, словес крепости в ответех своих не имея, ко внешним лжам и баснословиям приходиши на прелесть простеишим человеком.

Господу свидетелствующу, горе человеку тому, (л. 83 об.)[317] им же соблазн приходит. И паки. Иже аще соблазнит единаго от малых сих, мнии наречется во Царствии Небеснем.

Глаголи, лжечеловече, где есть писано, еже бы своего архиепископа или митрополита свои епископи, собрався, судили, но митрополит епископа судит со епископы, а митрополита патриарх, под ним же есть епархия митрополия, или Цареградскии патриарх, якоже святаго 4-го собора 9-е правило глаголет. Но ни епископа лепо есть судити прежде даже неувестыя о нем или не сушу ему призвану, якоже Василии Великии пишет в первой книге глава 54.

Яко[318] не подобает осуждати кого прежде даже не (л. 84)[319] увесть опасно яже о нем, аще и мнози суть оглаголующии.

Г лагола[320] Никодим пришедый к нему нощию един сый от них: Еда закон наш судит человеку, аще не слышит прежде от него и разумеет, что творит.

Ф ист[321] же цареви сказал, яже о Павле, глаголя: Муж некии есть, оставлен от Филика, южник, о нем же, бывшу ми во Иерусалиме, явиша архиерее и старцы июдеистии, просяща на нь пря. К ним же отвещах, яко несть обычай римляном даяти кого человека, прежде даже оклеветанный видит клеветники, место же приимет ответа о согрешениих своих.

П равило святых апостол 74.

О клеветаем[322] епископ и позываем на суд, (л. 84 об.)[323] и не послушая дващи и трищи, двема епископома да позван будет. Аще же не приидет, якоже же хощет собор да судит таковаго.

Т олкование.

О клеветаема епископа о некоем прегрешении от достоверных мужей и позываема собором на судище, и не послушающу, не тако вскоре подобает собору осудити таковаго, но и дващи и трищи позвати того, и да посылается по нь на коемждо позвании по два епископа. Аще же пребудет небрегии и не приидет на судище, да испытает вину по единой части собор и по подобию вины достойно да осудят его, да не мнит ся избыв суда беганием.

Такожде и Карфагенского собора 19 (л. 85)[324] правило глаголет:

Без позвания и епископа не судит, но подобает и на епископа клеветы послушати от достоверных мужей и по подобию достоино да судят его.

Видел ли еси, яко ни епископа, без познания дважды и трижды, не судити, а о митрополитех и ни есть такова правила, еже бы своим епископом судити, но патриарху со всеми митрополиты, якоже выше есть писано 9-е правило святаго Вселенского 4-го собора.

А яже о патриарсех нигде не обретается, яже бы от своих епископ судиму быти, да како то их соборище нарещи кто может, чрез вся святыя правила творящих и епископским правилом винна мя творити, (л. 85 об.)[325] ниже вопросившем что любо о нашем отшествии, ниже яко епископа позвавшем по вышеписанному святых апостол 74-му правилу.

Ч етыредесятая глава Василия Великаго первыя книги.

Я ко не подобает инако учащим внимати, аще и воображаются во еже прелстити на обличение неизвещенных.

Г осподу глаголющу: Блюдетеся[326], да некто вас прелстит. Мнози бо приидут во имя мое глаголюще: Аз есмь Христос и многи прелстят. Внемлите[327] от книжник хотящих ходити во одеждах и любящих целования на торжищих и председания на торжищих и предвозлежания (л. 86)[328] на вечерях, иже снедают домы вдовиц, виною далече молящеся, сии приимут множайший суд.

На[329] Моисеове седалищи седоша книжницы и фарисее, вся убо елика, аще рекут вам блюсти, соблюдайте и творите, по делом же их не творите: глаголют и не творят, связуют бремена тяжка и бедне носима и возлагают на плеща человеческа. Перстом же своим не хотят двигнути их, вся же дела своя творят да видими будут человеки. Разширяют же хранилища своя и величают воскрилия риз своих, любят же прежде возлегания на вечерях и прежде седания на сонмищих и целования (л. 86 об.)[330] на торжищих и зватися от человек учителя. И по мале.

Горе[331] вам, книжницы и фарисее, лицемери, яко преходите море и сушю, сотворити единаго пришедца, и егда будет, творите его, сына геены, сугубейша вас.

Горе[332] вам, книжницы и фарисее, лицемери, яко одесятствуете мятву и копр и кимин и остависте вящшая закона, суд и милость и веру. Сия же подобаше творити и онех не оставляти. Вожди слепии, оцеждающе комари, велбуда же пожирающе.

Горе вам, книжницы и фарисее, лицемери, яко очищаете внешнее сткляницы и блюду, внутрь яду же (л. 87)[333] суть полни хищения и неправды.

Фарисею слепыи, очисти прежде внутренее сткляницы и блюду да будет и внешняя има чиста.

Горе[334] вам, книжницы и фарисее, лицемери, яко подобитеся гробом повапленом, иже внеюду убо являются красни, внутрь яду же полни суть, костии мертвых и всякоя нечистоты. Тако и вы, внеюду убо является человеком праведни, внутрь яду же есте полни лицемерия и беззакония.

Сего[335] ради аз послю к вам пророки и премудры и книжники, и от них биете на сонмищах ваших и ижденете от града во град. И прочая.

Аминь, аминь, глаголю вам, яко приидут вся сия народ сей. (л. 87 об.)[336] Противляше[337] же ся Елима волхв, тако бо сказается имя его, искии[338] развратити Анфипата от веры. Савл же, иже и Павел, исполнися духа свята и возрев на нь, рече: О исполнен всякия льсти и всякия злобы сыне диаволов, враже всякия правды, не престаеши ли, развращая пути Господня правыя. И прочая.

Но[339] аще мы или аггел с небесе благовестит вам, паче еже благовестихом, анафема да будет. Якоже прежде рех вам и ныне глаголю, аще кто вам благовестит, паче еже приясте, проклят да будет.

Ты убо лжеши, ответотворче, на мя, яко 4 вселенских соборов кто надобно прокляти. Где убо наше (л. 88)[340] слово, яко тако глаголах? И самый совопросник не глаголет о сем, латины убо точию приемлют четыре вселенския соборы, о прочих триех не брегут. Явно, яко еси оного сонмища исчадие, ибо беседа твоя явна тя творит. Мы убо не четыре вселенских соборов, но седмь приемлем и облобызаем, якоже заповедано есть в первом правиле 7-го вселенскаго собора, еже выше писахом тожде.

Правило 1-го Вселенскаго собора.

Святая правила облобызающе приемлем и держим святых апостол и 6 вселенских соборов, к сим же и поместных, и еще же и святых отец наших, яко единаго Святого Духа вдохновенна. Их же прокляша, проклинаем, их же извергоша, изметаем, их же отлучиша, отлучаем, им же запретиша, (л. 88 об.)[341] запрещаем.

Да почто, лицемере, нас приговариваешь проклинать, сам солгав, а яже о себе самом не смотриши. Лицемере, изми первие бревно из очесе твоего, и тогда прозриши изяти сучец из очесе брата твоего. Усмотри сам о себе, како есть писано о всех твоих неправдах, еже прежде писахом и ныне паки пишем.

П равило 13 собора Антиохии Сирстей.

А ще[342] никим же позван, ни умолен быв епископ, во иную область отшед, и поставит презвитера или диакона или правление некое церковное творит, таковая нетверда и разрушена да пребудут, а он да извержется.

В селенскаго святого собора, иже в Халкидоне правило 5.

П реходящии[343] из града во град, (л. 89)[344] иже от них правилом повинни суть.

Т олкование.

Р ечено есть в 13 правиле, иже во Антиохии собора, яко не дерзнути епископу преити от своея области во иную и поставити презвитера или диакона без воли сущаго во области той епископа или ино что епископьское творити правление. Аще бо и сотворит что таково, праздно и нетвердо да пребудет, и той месть да приимет своего безчиния и извержен да будет от своего сана Святою Троицею. Тако бо и зде написаное правило повелевает.

К сим же Сардикийскаго собора правило 3 и 12 того же собора, и 18 правило того же собора., и Карфагенскаго собора 23, и Шестаго Вселенскаго собора правило 20.

Е пископ[345] во ином граде в народе да не учит. (л. 89 об.)[346] Аще же обрящется да престанет от епископьства и презвитерская да действует.

В озражение на 10 вопрос и ответ.

Г лаголеши, совопросниче: Мощно ли составом главу судить и своего началника?

В озражение: Н е самое ли естество тя учит, яже в неподобном твоем вопросе глаголеши, мощно ли составом главу судить. Нужно есть главе без иных состав быти, обаче бывает, а еже без главы инем удом содержатися невозможно, и сия тако суть. Поглаголем же ти и от заповедей Божиих.

Господу глаголющу: Не[347] может человек прияти ничто же, аще не дано ему будет с небесе. И паки инде глаголет Господь яко «не ищу волю мою, но волю пославшаго мя Отца». И паки (л. 90)[348] ин есть: Что имаши, еже не приял еси.

Ты же откуду дерзновение таковое приял еси наскакати на не сущая твоя? Аще Сын Божий глаголет, яко «не ищу волю мою, но волю пославшаго мя Отца», ты же где обрел какову любо заповедь Божию, да суда на нас изыщеши? Не слышил еси, что о неимущем брачныя одежды, то есть достоинства, и вшед на брак, Господь отрече: Возмете его и связавше ему руце и нозе, вверзите во тму кромешную, ту будет плач и скрежет зубом. Еже да и сотворит ти Господь по делом руку твою за напрасное наше преобидение, якоже и великии Павел негде глаголет: Александр Ковач много ми зла сотвори да воздаст ему Господь по делом его. И прочее.

(л. 90 об.)[349] С обора во святей церкви Божия мудрости правило 3.

А ще[350] который мирский человек епископа в темницу ввержет или биет без вины или сплет некую вину, да будет проклят.

И паки Господь о таковых глаголет: Горе человеку оному, им же соблазн приходит.

Почто ново начинаеши испытати не сущих своих, не слышали: не судите, да не осуждени будете Не о том глаголет Господь, да кто по закону судит, но паче закона и заповедей, понеже инде есть реченое, но праведен суд судите. И божественный апостол глаголет: Тем же не прежде времене судите, дондеже приидет Господь. И прочая.

Слыши же и ответотворцу твоему наш ответ.

Т ы же, ответотворче, во ответе своем (л. 91)[351] пишешь: Каково судил патриарх, которые впадали в блуды? Едина глава Христос есть и который нарицается и златая глава, архиереи толко суть глаза и уста, а мирския люди составы церковнаго тела, всевластию суд 12 апостол наследители, истинныя каково и всякия священико 72 учеников. И помянутым глаголал по воскресении от смертных Христос всем апостолом: Приимите Духа Святаго вязати и решити. Для чего и самого того присловнаго началу имеют сию же совершенную власть.

В озражение.

Г осподу глаголющу: Сый[352] от Бога глаголы Божия послушает. И паки: Отметаяйся мене и не приемляй словес моих, имать судящаго слово, еже заповедах вам, то судит. И божественный апостол глаголет: (л. 91 об.)[353] Аще мы или аггел благовестит вам, паче еще приясте, проклят да будет.

Тако и святии отцы на вселенских соборех утвердили и клятвами закляли, еде к тому не имети кому что приложить или отложить.

Ты почто чрез Божественныя заповеди и законы от себе везде толкуеши? Не слышал ли Писания[354], яко подобает ключаема комуждо благоразумне отдаяти. И вопросиша его, глаголюще: Учителю, вемы, яко право глаголеши и учиши и не зриши на лица, но воистину пути Божию учиши. Достоит ли кесарю дань даяти или ни? Разумев же лукавство их, рече к ним: Что мя искушаете, покажите ми пенязь, чии имать образ и надписание. Они же реша: Кесарев. Он же рече им: (л. 92)[355] Отдадите убо кесарева кесарю.

И паки глаголет Господь: Аще[356] нога твоя или рука твоя соблажняет тя, отсецы ю и верзи от себе. И по мале: И аще око твое соблажняет тя, истни е и верзи от себе.

Смотри правосудие Божие, яко кроме инех удов возможно есть жити человеку, а без главы не есть лзе. Тем же невозможно инем удом главу отсущи и тако всем живым и действуемым быти.

Тако и божественный апостол законополагает: Отдадите убо всем долги, ему же урок урок, ему же дань дань, ему же страх страх, ни единому же ничим же должни будите, разве еже любити друг друга. И паки рече: Ина слава солнцу и ина слава луне (л. 92 об.)[357] и ина слава звездам. И прочее.