Собора 4-го Вселенскаго правило 9. 5 страница

К то ли праведнее Самуила, яко и зачатие молитвы ради и рождение свято, но и той, убояся Саула[689], веление Божие исполнити глаголанное от Господа. И рече Самоил: Како поиду, услышит Саул и убиет мя.

К то паче Илии в чюдесех прославися, небо языком заключи 3 лета и месяц 6, и паки отверзе, тем и 9 ложных пророк закла и жертвы трикратной водою полиеной и с водою небесным огнем попали и два пятьдесятника сожже, Иордан милотию раздели и Елисеови сугубу благовесть дарова, и на огненых возилех яко на небесе взыде. Но[690] и тому от лица Ахавля (л. 185 об.)[691] повеле Господь скрытися в Потохорафа прямо лицу Иорданову, и от лица Езавели бежа во Вирсавию, в землю Июдину, и проси души своей смерти.

К то велегласнее Исаии во пророцех, но и той умолче в царство Иозии, вознесшаго мерзское кадило Господеви и опроказе.

К то ли премудрее Иеремии присноплачевнаго, еже пророчествова на Иерусалиме и на Иоакима царя Июдина, его же повеле царь книги пророчества сожещи и его яти, но скры его Господь и Варуха книгочия.

И что многословити потреба: выше сего много есть и заповеди Божия и показание бегания самого Христа и святых его апостол и святых всех, еже прежде времени не пометатись (л. 186)[692] в напасти.

Г лаголет ли царское величество, яко не изогнан де от нас, сам своею волею пошол? И вси святии сами своею волею отходили от злобы и таясь. А коли бы не утаились, яти бы были святии и елико годно мучителем сотворили, якоже Моисей, тако и Давид, тако и Исаия, и Иеремия, тако и Христос, тако и Павел, тако и Петр, тако и вси апостоли, тако и вси святии, о них же к повести не достанет лето едино. Но якоже о страстех святых, тако и о мучителех, отчасти мало церкви предано есть в книге, нарицаемей Пролог, тамо кто восхощет пространно навыкнути о мучении и изгнании и о мучителех (л. 186 об.)[693], якоже глаголет Григории Богослов.

Ч то[694] убо быхом крепчаишии гонящии, ничто же пострадаша от нас, но отбегоша не мучени. Тем же и глаголем, который ипарх отщетися от нас, которыи ли народ воставляющии казнь прияша, что ли кому страшно показахом, могуще устрашити враги наша.

С им воследуя, и мы глаголем, которое тяжкое от нас государь царь и великии князь пострада или чим отщетихом или что есть досада наша, покажите, толко не солгите. А мы покажеи всем людем ведомое, еже ныне всяк человеческии род и возраст весть. Г лаголет государь, что мы ево не гонили с престола. (л. 187)[695]. Но якоже тогда, егда засвидетелствова пред Богом и Отцем и Господем нашим Иисусом Христом и святым и животворящим Духом, о неправдах ево государевых и о напрасном гневе безвинно на мя во святей велицей церкви и от тех времен не престая гонит. Ему кажется легко, что волю дал всякому неправеднику злословити, елико кто хощет и умеет. А нам уже от тех злодеев смерть приходит. Толко святый Бог милостию своею святою утвержает и помогает во многих скорбех наших терпящих имени его ради святаго. По Писанию чаянием утешаемся. Блажени бо, рече, будете, егда возненавидят (л. 187 об.)[696] вас человецы и поносят и пронесут имя ваше, яко зло сына человеческаго ради, радуйтеся и веселитеся, яко мщда ваша многа на небесех. Тако бо прежде вас пророки изгнаша, что болше гонения сего, еже всех архиереов, архимандритов и игуменов, созвав по нашем отхождении, сам и гонитель и истец бысть. Все, елико ему, государю, годно собрав, написа. Скаски готовыя присла на собор. И овех своею милостию и жалованием, инех же страхом, всех к своему государеву хотению принуди. Их же души согрешившия, взыщет на нем Господь Бог.

И потом кто о чем ложно ни побьет челом, все с выговоры государь (л. 188)[697] присылает, аки ко осужденному своих государевых думных и ко всем велит по нуди самому в суд приходити о всяких делех случихся, чево ни над попм не пристоит делать. И елицы добрыя боголюбцы посещали нас в бедности нашей Бога ради или которыя добрыя люди, видя наше бедное житие, попечалится или поскорбит словом, а ему, великому государю, ведомо учинится, тех всех овех в заточение посла, овех же инеми страхи обожи и прещенми лютыми. А царьское дело таково, аще и и над единем человеком что сотворит, вситого ради утсрашатся.

П релютее того несть, якоже (л. 188 об.)[698] кому гнев цартскии понести, якоже бывыи во искусе великии Григории Богослов исповедует. И Соломон премудрый ярость царева во истинну посол есть смерти, меч язык царев, а не плотян. Мнози тому угождают пред лицем его, всяк же зол бывает в поношение мужеви. Ох, ох, люто приточник глаголет, егда начинаеши со лвом братися, имися крепко, да некако сокрушит и кости твоя. Что прелютее сего, еже исповеда ми некто от враг нашеих, глаголя, что де ты ныне добре кручиноват, ведь де тебе не старая пора. Ныне де нас самех ищут, чтоб на тебя били челом. А кто де ныне не станет (л. 189)[699] бить челом на тебя, и впредь что либо услышит, какое челобитье великии государь и ему де будет жестокое наказание. Я де ныне за неволю одва с постели встав, ехал по государеву указу, или что государь во все Московское государство изволил послати грамоты по монастырем архимандритом и игуменом, что бутто я имал, будучи на патриаршестве при бытии своем, потребы монастырския, казну, хлеб, лошади, вотчины на мену в цену и без цены. И после отходу своего имал вотчины на мену в цену и без цены. И церковных и казенных и вотчинных потреб и хлеба и (л. 189 об.)[700] лошадей и вотчин и судов серебряных и золотых и книг и иного чего и сколко четвертей, и кто тот хлеб и куды к нему возили, и в котором году и месяце, и при которых властях. И о том о всем бы к нему, великому государю, подлинно порознь и по статьям и скаски и росписи за своими руками присулать с нарочным добрым старцом или слугою без всякого мотчания и прочее.

А о себе не изволил великии государь праведно разсмотрить, колико у святей велицей церкви Пресвятыя Богородицы поимал отчин, людей и прочих всех домовных потреб, хлеба, рыбы, денег, ло(л. 190)[701]шадей и прочих потреб вместо великаго дароношения за помазание на царство. Такожде и от прочих святых церквей и монастырей поимано елико отчин и людей, и денег, и хлеба, и лошадей, и кто может исчислить. А ему, великому государю, святая великая соборная апостольская церковь и прочия святыя церкви и святыя монастыри ничем не повинны и нникакими данми, развее по завещанию святых апостол молитвою и честию, якоже Павел апостол учит.

М олю[702], убо прежде всех творити молитвы моления, прошения, благодарения за вся человеки, за царя и за вся, иже во власти суть, да тихо и безмолвно житие поживем во всяком (л. 190 об.)[703] благоверии и чистоте. Се бо доброй приятно пред Спасителем нашим Богом, иже всем человеком хощет спастися и в разум истины приити.

И[704] верховный апостол Петр царя чтити повелевает. А еже о истине кто аще и царю глаголет, не подобает ему гневатися, или отмщати самому себе, или обидети по 84-му правилу святых апостол, ведяще, яко и тому есть Господь на небеси.

В озложеная же Господеви в церковь или в монастырь по 73-му правилу святых апостол и святаго 4-го собора Вселенскаго по 24-му правилу.

М онастырь с волею епископа поставлен, да пребывает не претворен, и яже суть к нему имения, да будут неотъемлема. (л. 191)[705] Аще же кто инако начнет творити, несть без вины.

Т олкование.

Монастыри, иже без благословения и без повеления создани быша, не создани суть, ни освящени. Повелением же и со благословением епископа создани монастыри, яко Божественая места и Богу поручени суще, да пребывают не претворени и не обидими во веки, и мирская жилища николи же да не будут в них. Да сохраняют же имения их и стяжания, села и винограды и вся прочая, неотъемлема и неотходна от них. Аще кто преступит повеление сие, от правил запрещения да будут повинни.

Т акожде и 6-го Вселенскаго собора правило 49-е, собора первовтораго правило 1-е и 2-е (л. 191 об.)[706] и Седмаго Вселенскаго собора 12 правило, и Кирила архиепископа Александриискаго правило 2-е. С ия же святая правила не повелевают что любо от святых церквей и святых монастырей отнимати или имати и в мирская жилища притворяти или на мирская растакати, якоже и Господь утвержает, Божия[707] Богови отдати и кесарева кесарю. Остави, рече, да первие насытятся чада, несть бо добро отъяти хлеба чадом и поврещи псом. И не дадите, рече, святая псом.

П о правилом же святых апостол.

П равило 38. Д а управляет епископ властелски церковное имение и ничто же от него сродником своим да не даст, аще токмо не суть убози.

(л. 192)[708] Т олкованье.

Н е подобает епископа разсуждати о правлении церковнаго имения, достоино бо ему есть властию таковое правити, яко пред лицем самого Бога. Не достоит же ему от таковых что свое особно сотворити, ни ближним своим Божиа дому раздавати, Аще же суть убози, да подает им потребная, яко и прочим нищим. Изветом же тех церковнаго имения ничто же да не продаст.

П равило 41.

П овелевает же епископом обладати церковным имением, аще бо честныя человеческия души поручены суть им, болми паче имение поручити им подобает, яко да по сих власти все управляют (л. 192 об.)[709] и убогим требование подают рукама четсных презвитер и диакон со страхом Божиим и благоговением. Подобает же и тому самому, аще требует, взимати себе на нужную потребу, еже хощетН и приходящую странную ьратию гостити и кормити и ничто же потребнаго не лишити их. Ибо[710] закон Божии повелевает служащим олтареив от олтаря кормитися, понеже[711] ни воинник не может о своем имении оружия нанести на противнаго.

Т олкованье.

А ще и во области даются церковныя имения, но не о себе самому сия управляти, но сведением и по совету презвитер и диакон своих таковая строити (л. 193)[712] повелевают Бодественая правила и яко нужныя потребы токмо подобно есть себе взимати епископом от церковнаго имения.

С обора иже во Антиохии правило 25.

Епископ[713] господин есть церковному имению. Аще же не довлеет ему, еже вземлет на свою потребу, но имение церковное и селныя плоды и богатство, еже сходится во епископию, вземлет и свое творит без ведения и без воли причетник своих, да воздаст ответ один пред всем собором. Аще же и яже суть подобна нищим раздавати да воздаст ответ пред всем собором.

Т олкование.

Е му же честныя душы (л. 193 об.)[714] человеческия поручены суть, болми тогда имать власть над церковным имением, якоже да раздавает то требующим руками презвитер и диакон церковных. Взимати же и себе, аще скуден есть, подобная на нужную потребу и на восприятие братии и гостей приходящих к нему, да не лишени будут пищи и странноприимства. Аще же не досыти ему в потребных, но сходящыяся потребы церковныя и селныя плоды хощет взяти и свою сотворити, и того ради иконома церковнаго своего сродника поставив, якл да утаится егда раздавает раздавает церковное имение, о сем от собора суд да приимет, якоже (л. 194)[715] епископи испытают. А еже бы царю обладати властелски церковным имением или монастырями, нигде же обретается. А иже кто презорством и владети начнет святыми церквами или монастыри или церковными и монастырскими вещми, движимыми или недвижимыми, и того ради гнев Божии бывает на него и на все царство его.

Я коже пишет святый Никон 2-е книги своей в 23 слове, еже писа к магистру и князю князем Марине: О еже не быти подобно церковная и монастырская и иническая мирским князем на своя потребы истощевати, елма и святотатства грехом осуждаются.

(л. 194 об.)[716] Ч южду же ся иже по Бозе разуму твоему и благочестию, како утаитися и толкио прииде в забвение писания, его же ти послах. Обаче не хотящу ми, но со многою нуждею послах спасения ради твоего, зане веси како рекл ми сеи, егда бе зде, глаголя, яко должен еси поучити мя. И аз убо на том есмь новослышащих. И сего ради писах ти поспевающая во спасение твое, души купно и телу и всему дому твоему. Приложих же тамо и се, яко аще сия сохраниши, паки реку ти ина. Аще ли не сохраниши сия, умолчю и аз, не глаголати тебе. И обаче яко ничто же сохранил еси от них, весть власть твоя, елика подъят, (л. 195)[717] лютая и бысть на тебе скорбь велика, яко в мале убо и к смерти. Аще не бы Господь сохранил тя, и к сии истинное подаяние твое, обаче не на тебе едином, но и всему дому твоему толика скорбь проиде, и во всем твоем возлюбленном сродстве и во других. Сице бывает, увы мне, на преобидящих слово Божие. И ныне се глаголет ти, яко здрав бысть, к тому не согрешай, да не горее ти что будет. Аз же на се смотрях и не писах тебе, но поне отныне потщися плод некии истиннаого покаяния показати и якоже надеюся, убо явленная ничто же вижю, обпче всем, церковная бо и монастырская и иноческая и[718] (л. 195 об.)[719] дела их вся Богови суть освящена и на ино что не расточаются, разве на убогия и странныя и пленныя и елика такова подобне и на вся иноческая же и монастырская и церковныя потребы. Князь же некии даже до самого настоящаго не имам рещи, аще что о сих во своя потребы, яко святотатец от Богу судится и святотатства осуждением осуждается Божествеными правилы в нынешнем и в будущем веце. И да испытает власть твоя Божественыя писания и обрящеши не толико точию раздражати сему Бога и толику беду и муку имети, но идеже аще внидут таковая по власти или пристрастии или в княжеская или (л. 196)[720] в сродства и елика такова, огнь бывают и изжжут. И яже от инех различных собрания прибыток и понеже паки таковая повелел еси собирати церковная и монастырьская и иноческая и дела их и плоды, яже Богови возложенная, на свою потребу и дома своего и прочих, иже лихоимством недугующих, и паки изволил еси приражатися Богу.

Сего ради ниже аз восприемлю, о их же ми писал еси, яко не наказан бысть, о некаянных гресех пещись. Таковая бо, яже повелел еси, показуют т прочих непокаянное.

Аще как толико в неведении или от еже к друг другу прения и прелести бывает, всяко бо древо от своего (л. 196 об.)[721] плода познавается, якоже пишет, обаче убо и в добро и в зло чюжду же ся како и молитву ищеши от инок и от церквей, ничто же достоино творя молитве. И не точию ведаеши им, якоже лепо бе, но и восхищати повелеваеши, словом же точию подаеши, и ничто же странно мирскаго казателства сотвориши.

Мирское бо казателство словом точию имать образы, Божественаго же Духа казателство делом и истинною кажет. Или не весть власть твоя, яко коегождо молитва коегождо противу бывающему на нем. Сице и усердие имать или в добро или во зло и паче же в немощнейших и неудоспевших во евангельское законо(л. 197)[722]положение, глаголющее: Молитеся о напаствующих вас и еже от вземлющаго твоя не истязуй и елика таковая, яже не иноки точию истязует сохранити, но и вас, миряны, и вся купно христаны. И обаче сице рещи имамы, яко иноцы о напаствующих их молящеся себе ползуют. Таковых же, якоже в Божественней лествице, воеже к пастырю слов глаголет, яко не ленись просим и о всяком неприлежнем молитися, не яко да помиловани бедет, себе рече, невозможно есть онем непоспешествующим, но яко да Богом воздвижни будут ко тщанию. Сия бо и елика такова не поношаю аз, окаянный, глаголя, (л. 197 об.)[723] но показати хотя невежество же и прелесть, иже по Бозе, добродетели твоей. Се бо якоже видиши во всех и паче в якоже ты князех удержа и паче в похвалу имут прелесть сию.

Р азорение 20-го вопроса и ответа.

Г лаголеши, совопросниче, имеет ли государь наш грех, что оставил овдовелцу церковь Божию? Изорцы ми прежде, что есть церковь. Тем же и аз ти реку. Аще ли не веси, вопроси, и аз ти реку, что[724] церковь есть.

Г осподу глаголющу: Яко ты еси Петр и на сем камени созижду церковь мою, и врата адова не удолеют ей.

Церковь[725] же, глаголю, не место точию, но нрав, не стены церковныя, но законы церко(л. 198)[726]вныя. Церковь бо не стены и покров есть, но вера и житие. Како[727] же ли не одолеша врата адова церкви, како ли всегда с нами есть Христос, не бо аще не был с нами, одолела бы церковь. Како Евангелие простреся всюду по вседенней от святых апостол, яко[728] основателем церковным евангельского словесе сеятелем, во истину же суть и основания церкви апостоли.

И [729]стена града имущая 12 основании и на них 12 имен 12 апостолов агнчих. Основания же стены, якоже глаголет, блаженнии суть апостоли, на них же Христова церковь основана бысть, их же имена аки в предписании, и дщицы на сих написана быша ко удобному навыкновению и научению чтущим, (л. 198 об.)[730] стена же велия церковная, высокая же и хранителная сущим во святем граде Христо есть и глава той же есть.

Ч то же ли ты, ответотворче, глаголеши неправедно. Есть ли то делает для достойных притчий и обычаем строителским для причин, которыя нам не ведомы, не согрешает[731] и не имеет смертнаго греха, однако же не есть свободен от меншаго греха для того, что многия соблажняются и почитают то дело в лености, что не радеет и прилежности в том не имеет. А радение болшое царьское есть радение церковное, потому что никогда не укрепляются дела царския покамест не укрепятся дела матери (л. 199)[732] его церкви Божии. Мати бо есть твоя, наяснеишии царю, церковь Божия и как ты должне еси почитати матерь свою, которая тебя родила, так же должен еси много возлюбити и почитати духовную свою матерь, которая тебя отродила во святей купели святаго крещения и которая тебя помазала на царсвто маслом и хризмою радости.

С лышал еси, ответотворче, к совопроснику твоему, что есть церковь и что основание церкви, и что стены и глава. П ослушай, прелестниче, Павла апостола законоположника церкви Божии, да почтет тебе по степенем чин святыя церкви. И [733] овех убо положи Бог во церкви, первие апостолы, (л. 199 об.)[734] второе пророки, третие учители, потом же силы, таже дарования исцелением, заступления, исправления, роди языком, еда вси апостоли, еда вси пророцы, еда вси учители, еда вси силы, еда вси дарования имут исцелением, еда вси языки глаголют, еда вси сказуют. Ревнуите же дарование болших и еще по превосхождению путь вам показую.

В идел ли еси степень святую, почто не именовася царь в первых за высоту царства. Добро всякому своя мера хранити[735], по писанному: В ней же кто призван, в том да пребывает.

Г осподу свидетелствующу: В шед же царь видети возлежащих, виде (л. 200)[736] человека не оболчена во одеяние брачное и глагола ему: Друже, како вниде семо, не имыи одеяния брачна? Он же умолче. Тогда рече царь слугам: Связавше ему руце и нозе, возмите его. И прочая. Мнози бо суть звании, мало же избранных.

П очто вводиши на Божественный брак не имущих одеяния брачна? Виде еси грозу царя, еже рече слугам своим: Связавше ему руце и нозе, возмите его, вверзите его во тму кромешную, ту будет плач и скрежет зубом. И не избавится, избавит ли человек, и не даст Богу измены за ся.

Он[737] же раб, ведыи волю господина своего и не сотверь, ниже уготовлься к хотению его, биен будет много.

(л. 200 об.)[738] Я ко[739] не подобает мнети дар Божии имении или иным неким видом стяжавати.

В идев[740] же Симон, яко возложением рук апостольских дается Дух Святый, принесе им имения, глаголя: Дадите и мне власть, да на него же возложу руце приимет Дух Святый. Петр же рече к нему: Сребро твое с тобою буди в погибель, яко дар Божии мнел еси сребром стяжати. Несть ти части, ни жребия в словеси сем, сердце бо твое несть право пред Богом. Покайся убо о злобе твоей сей и молись Господеви, да оставиттися умышление сердца твоего. В желчи бо горести и союзе неправды вижу тя суща. Отвещав же Симон, рече: Помоли(л. 201)[741]теся вы о мне ко Господу, яко да ничто же наидет на мя, их же рекосте.

И [742] начаша нецый от скитающихся июдей, обаянник, именовати наимущыя духи лукавыя, имя Господа Иисуса Христа, глаголюще: Заклинаем вы Иисусом, Его же Павел проповедает. Бяху же нецый сынове Скевы июдеанина архиерея седмь, еже се творяше. Отвещав же дух лукавый, рече: Иисуса знаю и Павла свем, вы же кто есте? И скача на них человек, в нем же бе дух лукавый, и одолев им, укрепися на них, якоже нагом и ураненым избежати от храма оного. Се же все бысть разумно всем живущим во Ефесе июдеом же и еллином, и нападе страх на всех их (л. 201 об.)[743] и величашеся имя Господа Иисуса Христа.

Б ывшу[744] же дни молва немала в воинех, что убо Петру бысть, и Ирод же поискав его и не обрет, истязав стражие, повеле отвести их. И ихшед от Июдея в Кесарию[745] живяше. В нарочит же день оболкся Ирод во одежду царьску и сед на судищи пред народом, с гордостию глаголаше к ним. Народ же возглашаше глас Божии, а не человеч. Внезапу порази его аггел Господень[746], зане не даде славу Богу, и быв червьми изъяден и издше. И слово Божие растяше и множашеся.

В идел ли еси, ответотворче, страха и горзы полно, до коликих мук осуждает Бог не имущих одеяния брачна (л. 202)[747] и им же не подобает действовати, аще и царь будет, да не действует. Что же ты глаголеши, яко мати твоя есть, наяснеишии царю, церковь Божия. И как должен ты еси почитати матерь свою, которая тебе родила, также должен еси много возлюбити и почитати духовную свою матерь, которая тебя отродила вл святой купели святаго крещения и которая тебя помазала на царство елеом и хризмою радости.

И се совершися твое, ответотворче, блядное речение и лжи полное. Откуду ты таковое дерзновение прият, еже на грех толковати, а не от Божественаго Писания?

П авел глаголет: Аще мы или аггел благовестити паче[748] еже (л. 202 об.)[749] приясте анафема. А ты безстрашием своим чрез сие страшныя клятвы новозаконие вводиши и глаголеши. Однако же несть свободен от меншаго греха для того, что многия люди соблажняются и почитают то дело в лености, что не радеет и прилежности в том не имеет.

Которое радение имети велишь, се ли, якоже Давыд сотвори убийство и прелюбодейство? А радение, глаголешь, болшое царьское есть радение церковное. Откуду ты такой гнилой глагол взял, еже царем церковное правити, потому глаголеши, что никогда не укрепляются дела царьския, покамест не укрепятся дела матери его церкви Божии. Которыя дела, сия ли, да матерь (л. 203)[750] свою в прелюбодейство низведет.

Послушай, прелестниче, Господу свидетелствующу: В сяко царство разделшееся на ся, запустеет, и всяк град или дом разделивыися на ся, не станет. Богу свидетелствующу, не быти в разделении никоторому добру. Кто может инако преложити, небо и земля преидет, словеса же моя не преидут, глаголет Господь.

П одобает комуждо своя мера знати, а не совосхищатися не не сущая своя, ниже се строение церкви, но паче гонение, якоже пишется во откровении: [751] А ще[752] ли ни гряду скоро и двигну светилник твой от места его, аще не покаешися.

Т олкование.

Д вижение же светилника или церкве есть обнажение Боже(л. 203 об.)[753]ственыя благодати, им же обнажением и волнений и смятений от духов лукавствия и пособствующих им лукавых человек.

И [754] змий, стояше пред женою, хотящею породити, да егда родит, чадо ея снесть.

Т олкование.

И змий, стояше пред женою, приоба отступник противу церкве вооружается, от рожденыя по времене из нея свое си брашно творити со тщанием желая, поче же чрез церковь и самого Христа гоняй, яко главу ея, яже верных присвояющаго себе. Тем же и Савле, Савле, что мя гониши, глаголаше.

И [755] жена побеже в пустыню, идеже имать тамо место уготованное от Бога, да тамо питают ю днии (л. 204)[756] тысящу двесте шестьдесят.

Т олкование.

И жена побеже в пустыню, егда, глаголет, действуяй во Антихристе диавол, им же на церковь ополчится, избранный сея и верховнейший поплевавше гражданския плища и смятения и мирския сласти. В пустыню всякоя злобы, в плодоносное же всякоя добродетели жителство побегнут, по великому Мефодию, и тамо борющих ю бесов и лукавых человек прилогов избежат. Достоверно же, яко и чювственая пустыня спасает, в горы и вертепы и в пропасти земныя, навета ради отступнича и Лжехриста бегающия, якоже и прежде мученики на три же (л. 204 об.)[757] и пол являемая днями тысяща двесте и шестьдесятми, в них же державствова будет отступление. Его же нас избавляяй, велии подвигоположник, не оставляяй, кому над силу искуситись дарует нам крепкии ум и противными прилогами не растаенный и непреборимый, да законе противоначалством тмы и властем страдалчествовавше, венцем правды украсимся и победныя почести и дары приимеме.

З авидяй[758], с Богом ратуется, а не со онем. Егда бо увидиши благодаьб имущаго и болезнуеши и хощет низложити церковь, не со онем ратуется, но с Богом. (л. 205)[759] Рцы бо ми, аще бы кто украсил отроковицу цареву и благоискусствовал бы, украшая ю и честну соделовая, и ин же некто хотел бы сию безобразовати, и не мощну бывшу украсити ю, то его бы наветовал сего, или оную и отца ея? Такожде и ныне. Ты завидяи, ратуешися с церковию, на Бога ополчаешися, понеже бо благоискусству братнему сплетен и церковная полза, нужда сему разрушающуся и оной рахоритися. Тем же по сему дело сатанинско твориши, наветуяй на тело Христово. Не сего болезнуеши, иже ничто же обидевшаго, много же паче на Христа, чем тя обидел есть, яко не оставляеши невесту (л. 205 об.)[760] утварию облагатися.

Х ощеши[761] ли навыкнути, яко священство и самого царства честнеиши и болши есть началство, и да неба границу речеши ми, ниже диадиму, ниже ризы златы, сень бо вся она и весных цветков худеиша.

Всяко бо слава человечя, рече, яко цвет травный, аще и самую, речеши, царьскую багряницу, не убо ми сия глаголи. Но аще хощеши иереиское ко царю разнство видети, яже комуждо даныя власти истязуй и множае от царя высочаиши узриши иерея седящи. Аще бо и честне вам престол царскии является от приложных ему камений и обдержаща и злата, должен есть судитися яко царь, (л. 206)[762] но обаче, яже на земли получил есть строителствовати и множае сея власти не имать ничто же.

С вященства же престол на небеси посажден есть. Кто сия глаголет, сам небесный царь. Елика[763] бо аще свяжете на земли, будут связани на небесех. Что сея равно убо будет чести от земли начало суда прииемлет небо, понеже судия на земли седит, владыка последует рабу. И яже убо сей отсудит, сия он горе утвержает и между Бога и человеческаго естества стоит священник, яже от онуду чести сводя к нам, яже от нас. Гневающась того, ко общему примиревя естеству, приразившая ся нас, изхи(л. 206 об.)[764]щая от того руку. С его ради и царие помазуются от священническую руку, а не священники от царския руки. И самую царьскую главу, под священникове руце принося, полагает Бог, наказуя нас, яко се оного болши есть властник, менше бо от болшаго благослвляется. Аще бы имел кто глас велии испустить по вся люди, яко царь Христа отверглся, есть и Бога, кто бы похвалил то, развее отступник. Како же таковый несть отступник Христа, аще и царь, всем бо Господь рекл есть обще: С лушаяй вас, Мене слушает, отметаяися вас, Мене отметается, отметаяи же ся Мене, и Отца Моего отметается. Благотворяй, от Бога есть, (л. 207)[765] а злое творяй, не веде Бога.

Д а кто может того назвати христианином, кто Христа отметается. И аще бы кто рекл, яко царь безчестит отца своего духовнаго, то кто осудит, яко по правде, аще не ума изступивый, колми же паче, аще главу оного отца его ддуховнаго бесчестит, суд приимет и месть сугубуя от Бога. С лышал ли еси не человека, но самого Христа, глаголюща: Елико сотвористе меншим моим, Мне сотвористе, аще добро или зло, и идут, рече, в муку вечную.

И аще бы кто видел царя, в царьских священствуя, литоргию служа или иныя священству достойная творя, кто бы то могл глаголати, яко (л. 207 об.)[766] в правду и достойно есть, аще не изумленый умом. Како же ты глаголеши, изумленый ответотворче, яко радение есть царю радение церковное, еда глава есть церкви царь? Ни, но глава есть Христос, якоже пишет апостол[767], яко о нем создана всяческая яже на небеси, яже не земли видимая и невидимая. Аще престоли, аще господствия, аще начала, аще власти всяческия тем и о нем создашася. И той есть прежде всех и всяческая о нем состоятся. И той глава телу церкви, иже есть начаток, перворожден из мертвых, яко да будет во всех той первенствуя, яко в нем благоизволи все исполнение (л. 208)[768] вселитися и тем примирити всяческая к себе, умирив кровию креста своего собою, аще земная, аще небесная.

Ц арь же ни есть, ни может быти глава церкви, но яко един от уд. И сего ради ничто же может действовати во церкви, ниже последняго четца чин. А кто ныне чрез волю Божию действует насилством, церкви Божии наислует и вся, яже их отъемлет, архиереов, архимандритов и весь священный чин судит, имать сам судим быти от нелицемернаго судии Христа, который имеет власть преступающих святыя Его заповеди по отшествии сего жития осудити (л. 208 об.)[769] правду и воздати комуждо по делом его. Сам той глаголет: Аз не приидох да сужду, но да спасу мир. Отметаяйся Мене и не приемляй словес Моих имать судящаго слово, ее заповедах, то судит ем ув День Судный.