Собора 4-го Вселенскаго правило 9. 7 страница

И ли не разумеете, братие, ведущим закон глаголю, яко закон обладает над человеком, во елико время живет, ибо мужатая жена живу мужу привязана законом. Аще ли же умрет муж ея, разрешится от закона мужескаго. Тем же убо (л. 233)[844] живу сущу мужу прелюбодеица бывает, аще будет мужеви иному.

П осягшим же глаголю, не аз, но Господь, жене[845] от мужа не разлучатися, аще ли же разлучится, да пребывает безбрачна или с мужем своим да смирится. И паки. Мужу жены не отпущати, кождо свою жену да имать, и каяждо жена своего мужа да имать.

От нюду[846] же слышится в вас блужение, яково ни во языцех именуется, яко некоему имети жену отчюю и разгордесте и не паче плакасте, да измется от среды вашея соделовавый сие. Аз убо, аки не у вас сыи телом, ту же живый духом, уже судих, яко ту сый, содеявшаго сице сие (л. 233 об.)[847] о имени Господа нашего Иисуса Христа собравшимся вам и моему духу с силою Господа нашего Иисуса Христа, предати таковаго сатане во изможение плоти да дух его спасется в День Господа нашего Иисуса Христа, не добра ваша похвала.

В идел ли еси, новый Люторе, поругателю евангельскии, како сам Господь утверди брак не на четыре годы. Откуду ты таковое сатанинское слово приял, еже до четырех лет муж не сотворит он ней никакова радения, поизволяет правило, что иного мужа была? Рцы, кое правило поизволяет?

Видел ли еси божественаго Павла, глаголюща Божиим словом: П осягшим же глаголю не аз, но Господь: жене от мужа не рахлучатися, аще ли разлу(л. 234)[848]чится, да пребывает безбоачна или с мужем да смирится.

К арфагенскаго собора правило 102.

М ал[849] браком совокупившесь[850] женца распущаются, аще не смиритася да пребываета тако. Аще ли ни, к покаянию да понуждена будет.

Т олкование.

У годно бысть отцем собора сего. по евангельскому и апостольскому учению, никому же свою жену не изгнати просто, ни разлучитися от нея. Аще же прилучится, или мужу восхотевшу или жене разлучитися от сожителства, и не смиритася, и не восхощета, паки снитися и купно жити, да пребудут тако во единстве и другому браку да не сочетаются, понеже, иже пущеницу поимет, прелюбы (л. 234 об.)[851] творит. Аще же муж поимет иную жену или жена иного мужа, в покаяние да приведутся и любодейства запрещение да приимут.

К сему ищи правила 87-го собора 6-го Вселенскаго и святаго Василия правила 9, 35, 48 и 77, и о сем тамо то же глаголет.

И святаго 6-го Вселенскаго собора правило 77.

И же[852] от мужа бывши жена, за другаго поидет, прелюбодеица есть. И пустивый жену свою и ину поим, прелюбы творит по Господню слову.

К ако ты, развратниче, смеешь на самого Господа нашего Иисуса Христа и святых апостол ложно писати? О таковых апостол пишет: Аще мы или аггел с небесе благовестит вам, паче еже (л. 235)[853] приясте, анафема да будет.

Т акоже и соблудившаго со отчею женою, не сущею материю, предати таковаго повеле сатане во измождение плоти, да дух его спасется. Колми же паче с материю блудити. осудятся. А ты глаголеши, яко добро то государь царь сотворил, что Крутицкому митрополиту отдал матерь свою соборную великую церковь в прелюбодейство, которая его помазала елеом радости на царство. И вы, видяще таокове беззаконие, разгордесте и не паче плакасте. И еже бы собрався о имени Господа нашего Иисуса Христа предати таковаго сатане во измождение плоти, да дух его спасется в день Господа нашего Иисуса Христа, по писаному: Потребил (л. 235 об.)[854] еси всякого, любы деющаго, от тебе.

Жены[855], рече, своим мужем повинуитеся яко Господу, зане муж глава есть жене, якоже и Христос глава есть церкви и тои есть Спас телу, но якоже церкви повинуется Христу, сице и жены своим мужеи во всем.

В асилия Великаго 7-е правило: Прелюбодея на 15 лет отлучает Божественаго причащения. Того же 22-е правило: Кровосмешение с сестрою 20 лет. А иже с материю, которой епитимьи повинен[856] будет достин.

И уже от Божиих заповедей и святых апостол канонов о прелюбодеистве доволно показано ти есть. Хощеши ли, враждотворче, да покажем еще к сим и святых отец правила. (л. 236)[857] Еже ты глаголеши, яко по четыех летможет жена иному мужу быти по праву, по которому праву? Смотри 6-го Вселенскаго собора п равило 92.

М ужеви[858] без вести бывшу, и не уведевши о нем жена его идет за иного, прелюбы сотворит. Да возвратившуся мужу, аще хощет, да поимет ю.

Т олкование.

П одобно есть сему правилу и 17 Иустинианова новая заповедь, яже в 7-й грани царских книг лежит. Повелевает бо и она, яко аще жена имеет мужа воина, и на воину отъидет, и услышит его умерша, инако несть ей, како за иного мужа поити, аще извещения не приимет от старейшины (л. 236 об.)[859] чина, в нем же муж ея воинствоваше, предлежащу святому Еавнгелию, и о содеянных воспоминаниемисповедати, яко воистину муж ея умре. И таковая воспоминания приимет и по таковом извещении пребудет, ожидающи за едино лето. Аще же не соблюдши заповеди, за иного опидет, и саму ту и поимшаго ю[860] ту, яко прелюбодеев мучити. Аще же таковому ожиданию бывшю и той замуж шедши, обрящутся истинствовавшии солгавше, иже с клятвою извествоваше, яко муж ея умре, тии убо от воинства обнажени будут и десять литр злата да вдадят оному, на не(л. 237)[861]го же солгаша, яко умре. Той же, аще восхощет совю жену пояти, не возбранится ему. Ко времени же оставившему свою жену, аще посягнут по невежествию, не вменяется ей в прелюбы. И о сем ищи правила Великаго Василия 46-го.

В асилия Великаго правило 31.

Ж ена[862], аще отъидет муж ея и без вести будет, и не испытавши, ни уведевши добре, яко умре, за ин муж идет, прелюбы творит.

Т олкования несть.

П равило 36.

В оинов жены, иже мужем их без вести бывшим, за иныя отходяще, помилованнеиши суть от инех, иже отшедшим мужем не ожидают.

Т олкование.

(л. 237 об.)[863] Е динако прелюбодеяния запрещения повинни суть обоя жены. Аще бо и не[864] воинничя, но купца некоего жена или иного проста человека, отшедшу мужеви ея на ину страну и прежде извещения о смерти его за инаго мужа поидет, тогда бо яко прелюбодеица судится. Аще и та, не уведевши прежде о смерти известно мужа своего, со инем сочетается, такожде и воинническия жены, уведевши о своих мужех, яко скончашася, должни суть испытовати о смерти их.

Иустинианова же 117 новая заповедь повелевает, иже в 7-й грани 28-х Царьских книг лжеит, ея же сила и в 91-м правиле (л. 238)[865] писана есть Шестаго Вселенскаго собора, иже в Константине граде в Трулле полатнем. И се правило помилования некоего сподобляет и воинническия жены паче инех и их же мужи отходят на куплю или на ину некую работу, аще и ко второму браку приидут, мужем их без вести сущим, понеже паче к смерти есть воинническое отшествие на брань и велико дает промышление, аще без вести будут, якоже или умроша или убиени быша.

Т ого же правило 46.

И де некая в неведении замуж, его же остави жена, и потом первая возвратится, сия же пущена бысть, блудница вменяется по не(л. 238 об.)[866]ведению, и аще хощет, да посягнет, добре же есть, аще не посягнет.

Т олкование.

О ставлен бысть муж от своея жены на время, он же мнев, яко до конца, разрешися от оноя и другую поят, не ведущу, яко на время оставлен есть от нея. Возвратися[867] к нему первая и приим ту, вторую же отпусти, яко блудница судится сия отпущеная, обаче в неведении шла бе за нь. И того ради аще хотением брака сочетатися и со другим, не возбранится ей, не вменяет бо ся пущеница, яко ни он истинный бе муж ей, иже ю отпусти. Аще же восхощет пребывати без брака и не ити за ин муж, (л. 239)[868] добре есть се.

Паки дерзаеши ко всем архиереом учительски, глаголя: А вы, архиереи, когда не имеете радения о обирании патриаршеском и поставлении, кто же ино порадеет, чините, что имеете чинить, ваше то дело и ваше радение. То пастыри для какой притчи не бережете престола патриаршескаго, который есть обща паства.

П окажи, лжесловче, по которым правилом святым начат таковое учителство, а не от своих гнилых произношении. Писал ты, по четрыех летех может жена оставленая иному мужу быти. И та вся твоя блядь обличена святым Евангелием и святыми отеческими правилы. А ныне пишешь учите(л. 239 об.)[869]льски, аки власть имея, по которым канонам таковое ты дерзновение приим, покажи, Гле есть писано, еже свою епархию оставя, в чюжую пришед иным архиереом законополагати, паче же чрез божественыя святыя правила[870] заповеди. Богоноснии отцы на седмом Вселенском соборе утвердили, якоже в первом правиле есть выше сего писано и ввек таковое утвержение на койждо год в Неделю Православия всюду обновляют. Аще кто[871], надувся своим злоумием убавит или прибавит, да будет проклят. Или не слышал еси в Неделю Православия что мое сие? Збысться Исаино пророчество о тебе: Имеяй уши (л. 240)[872] слышати, не слышиши и очи свои сомжил, одебеле бо сердце твое, славолюбче. Оберегаитеся, глаголеши, чтоб та ваша неприлежность Бога не возбудила до отмщения и ярости. Глаголет бо Захария: А то вижу летающи серп длиною 20 лакоть, шириною 10 лактии. Якоже везде, тако и зде солгал еси, еже будто того ради серп сошел с небесе за неприлежность архиереов, что патриарха новаго не оберут долго. Послушай же, лжесловче, мы тебе пространно зде покажем, чесого ради сниде серп той, якоже глаголет: И обратихся и возведох очи мои и видех и сей серп летящь. И рече ко мне: (л. 240 об.)[873] Что ты видиши? И рех аз: Вижу серп летящь в долготу лакоть двоюдесяту и в ширину десять лакт. И рече ко мне: Си клятва, исходящая на лице всея земля, зане всяк тать от сего до смерти мстится. И вынесу и, глаголет Господь Вседержитель, и внидет в дом татины и в дом кленущагося именем моим во лжу и обитает посреде дому его и скончает и, и древо его и камение его.

Видели, малоумне, каково сниде серп оныи. Си клятва, рече пророк, сходящая на лице всея земли, зане всяк тать от сего до смерти мстится. И вынесу и, глаголет Господь Вседержитель, и внидет в дом (л. 241)[874] татины. Кто же тать? Не ты ли, лжесловче, пришедыи в Росиискую страну благочестие украсти, прелазя Божественаго писания оплоты.

Г осподу глаголющу: Аминь[875], аминь, глаголю вам, не входяй дверми во двор овчии, но прелазя инуде, той тать есть и разбоиник.

Како же не тать, укажи ми, которыми ты дверми во двор овчии входиши и что твориши.

Глаголет Господь: Аз[876] есмь дверь, Мною аще кто внидет, спасется, и внидет и изыдет и пажить обрящет.

Тать не приходит, разве украдет и убиет и погубит. Не ты ли еси таковый, яко ничто же от священнаго Евангелия или святых апостол (л. 241 об.)[877] и святых отец предания писания приводяй неправе и истину во лжу претворяеши, и есть таковый тать и разбойник, который простых людей предщает своими пагубными слабоумными ответы. В таковый душевный двор серп той внидет и обитает, дондеже скончает и.

В асилия Великаго по 15 правилу: Разбоиник 20 лет да кается и причетник не будет. Г радских законов по 39 грани глава 15: Разбоиницы повешени будут на тех местех, идеже разбой творят.

К то же кленущиися именем Господним во лжу? Видел еси, яже выше сего писана суть. Како всякому (л. 242)[878] архиерею собора[879] Карфагенского 18 правило на избрании повелевает святый символ исповедати и вся церковныя заповеди в слухи своя приимати, учащу его поставляющему его, и да обещается та вся сохранити.

Т ы же и вси россиистии митрополити и архиепископы ничто же сотворше таковое обещание. И сбысться писаное во псалмех: Б ог[880] с небесе приниче на сыны человеческия видети, аще есть разумеваяй или взыскаяй Бога. Вси уклонишася вкупе и непотребни быша, несть творя благое, несть до единаго, ни ли разумевают вси делающии беззаконие. Снедающе люди моя в хлеба место, Бога не призваша, та(л. 242 об)[881]мо устрашишася страха, идеже не бе страха, яко Бог разсыпа кости человекоугодником, постыдешася, яко Бог уничижи их. В таковых домы кленущихся именем Господним во лжу внидет серп той огненый и обитает посреде домов их, дондеже скончает их. А уже многих и скончал. Овии вином згорели, ин удавился, ин инако, зло пострадав, умре, якоже вси занют о сем.

Г лаголеши, се что добро или что красно, еже жити братии вкупе. Ничто же несть инаго что лучшаго, как совет и совокупление любве брацкой. Для чего вы друг друга тягости не носите, (л. 243)[882] ни обще воспомогаете себе. Для чего не докончал, рекл, друг другу тягости не носите, а еже и тако скончаете закон Христов. Где есть во Христове законе писано, еже бы друга ненавидети? Словом учиши любити, а делом самем погубити. И глаголеши, заповедь имеем от Бога возлюбити ближняго своего, яко самаго себе. Всех христиан как одной веры имеете возлюбити, а наипаче свой народ и сродники имеете возлюбити. И есть ли вы сами о своем добре и чести не радеете. кто иной, странной, будет радети? К оторое радение? Се ли, еже выше рекл еси о (л. 243 об.)[883] избрании патриаршеском? Несть сия любовь Божия, но мирска бесовска. А ще[884] кто речет, яко люблю Бога, а брата своего ненавидит, ложь есть и в сем истины несть. Всяк ненавидяй брата своего, человекоубиица есть и весте, яко всяк человекоубиица не имать живота, пребывающа в себе. И где есть любовь Божия в том, изгнати, еже отъяти, убити. Писание глаголет: Не противитися злобе, злобою противитеся рече злобе, аще и наше что лихо было к ним. А еже отъяти, Бога заповеда и за сущее свое не стояти. хотящему, рече, судитися с тобою и ризу твою взяти от тебе, не возбрани ему и срачицу. (л. 244)[885] А еже убивати, слышасте, яко речено бысть древним: Не[886] убиеши, иже аще убиет, повинен есть суду. Аз же глаголю вам, яко всяк гневаяся на брата своего всуе, повинен есть суду. Слышасте, яко речено бысть первым: Не прелюбы собвориши. Аз же глаголю вам, яко всяк[887] воззревыи на жену, коей же возжделети ю, уже любодеиствова с нею в сердцы своем

Зриши ли, яко закон деяния точию отрицает Евангелие и самыя вины, откуду страсти востают, отсекает. Тем же убо иже инаго учиши, себе ли не учиши.

Р азорение 22-му вопросу и ответу.

Г лаголеши, совопросниче, Никон про(л. 244 об.)[888]клинает и выклинает. Ныне важно ли его проклятие и достоит ли нам боятися клятвы его или несть, как он нас проклинает.

К ого проклинаю, рцы, известно. Аще о Питириме митрополите вопрошаеши, послушай, яко и по вся дни глаголы слышишь пророчи, како тех проклинает. Прокляти[889], рече, уклоняющиеся от заповедей Твоих. Проклят[890], иже злословит отца своего, и рекут вси людие, буди. Проклят, лежай со женою отца своего, яко открыл есть откровение отца своего, и рекут вси людие, буди. Видиши, совопросниче, не единому мне таковая творящих проклинати, но и всем, (л. 245)[891] якоже и Божественый апостол к Коринфом пишет[892] о соблудившем со отчею женою. У же судих, рече, яко ту сыи содеяша сице сие о имени Господа нашего Иисуса Христа собравшемся вам и моему духу. С силою Господа нашего Иисуса Христа предати таковаго сатане во измождение плоти, да дух спасется. Зриши ли, яко не единому мне таковаго проклинати, но и всем видящим и слышащим.

Т ако и древле бысть. Истрезви[893] же ся Ное от вина и разуме, елико сотвори ему сын его юнеишии. И рече: Проклят буде Ханаан, зане виде наготу отца своего и не сохрани.

П ризвав[894] же Ияков сыны своя и рече: Рувим, первенец мой, ты (л. 245 об.)[895] крепость моя и зачало чад моих, порок бысть и порок лют, и укорив, и аки воды расплынешись, взыде бо на ложе отца своего.

Г лаголеши, важно ли его проклинание. Ей, важно. Сам Христос, давый таковую власть святым своим учеником и апостолом: И [896] аз же тебе глаголю, яко ты еси Петр, и на сем камени созижду церковь мою и врата адова не удолеют ей. И дам ти ключа Царствия Небеснаго. И еже аще свяжеши на земли, будет связано на небесех, и еже аще разреши на земли, будет разрешено на небесех. В озрадоваша[897] же ся ученицы, видевше Господа. Рече же им Иисус: Паки мир вам: якоже посла Мя (л. 246)[898] Отец, и аз посылаю вы. И се рек, духу и глагола им: Приимите Дух Свят, им же отпустите грехи, отпустятся им, и им же держите, держатся.

Аще убо до сего не слышал еси, сего ради слушай и ими веру. Сам бо Господь рече: А иже не имет веры, осужден будет.

И [899] иже аще не приимет вас, ни же послушает словес ваших, исходяще из дому или из града того, отрясите прах от ног ваших. Аминь, глаголю вам, отраднее будет земли Содомстей и Гоморстей в Деь Судный, неже граду тому.

Т огда[900] начат Иисус поношати градовом, в них же быша множайшая силы его, зане не покаяшася: (л. 246 об.)[901] Горе тебе, Хоразин, горе тебе, Вивсаидо, яко аще в Тире и Сидоне быша силы были бывшая в вас. Древле убо во вретищи и пепеле седяще, покаялися быша, обаче глаголю вам, Тиру и Сидону отраднее будет в День Судный, нежели вам. И ты, Капернауме, иже до небес вознесыися, до ада снидеши, зане аще в Содомех быша[902] силы были бывшая в тебе, пребыли убо быша до днешняго дне. Обаче глаголю вам, яко земли Содомствей отраднее будет в День Судный нежели тебе.

В сяк преступаяй и не пребываяй во учении Христове, Бога не имать. Видел ли еси, совопросниче, страха и ужаса и трепета многа исполнено, иже (л. 247)[903] кто слыша заповеди Божия, и не сохранит, како осуждается.

М ы бо не своею властию вяжеи, но Божиею благодатию, данною нам от пресвятаго и животворящаго Духа. В идел[904] ли еси священническую честь и власть, яко елико свяжите на земли, будут связани на небеси. Кто ли сия глаголет: сам небесный царь. Что сего свидетелства болши? От земли начало приемлет небо, понеже судиа на земли седит, владыка последует рабу, и яже убо сей осудит, сия он горе утвержает И между Бога и человеческаго естества стоит архиерей. Н ыне же, ответотворче, приидохом к тебе, пишешь: Проклинание есть суще яко молния, (л. 247 об.)[905] клятва есть как меч на обе страны остр. Для того есть болшая стрела молниина. Есть ли по достоинству бывает, сожжет виннаго, а есть ли не по достоинству, падает на того, который клятву чинит для того, что без вины. Требует меча Божия против того, который есть безвинный, которое по достоинству бывает проклятие, тотчас от Бога предается в руце сатане, чтоб им владел. И для того надобно, чтоб гораздо очи отворил, который чинит и который приимает проклятие, потому что Богом смеятися ненадобно, но Бог есть отмщение и власти в руце Бога, сострастнеиший страх.

(л. 248)[906] О ком ты глаголеши? Знаеши ли подлинно, кто ково клял и чего ради? Ты б прежде уведал от совопросника и тогда бы подлинно писал, и не от себе, ни своими притворении, но от Божественнаго Писания. К ниги же, которыя подобает чести, изочтены в 85-м правиле святых апостол. Учити же подобает, якоже выше сего писано и ныне вкратце речем не от себе, но от Божественнаго Писания.

Ш естаго Вселенскаго собора правило 19.

С тареишина церковный на всяк день изряднее, еже на всякую неделю, да учит люди божественным повелениям и да сказует не от себе, но якоже Божественнии отцы достигоша. И где есть писано, яже ты ныне глаголеши? (л. 248 об)[907] Кто же ли тя постави стареишиною зде, рцы ми. Подобает тебе учити, но не зде, но в своей тебе епархии, и то не от своего ума, но от Божественнаго Писания.

И же[908] бо кроме Духа пишущии и глаголющии, церковь созидовати хотяще душевни суть, якоже негде Божественыи рече апостол: Духа не имуще. Тако вси бо повинни суть клятве, глаголющей: Горе разумным в себе и пред собою художным. От себе бо глаголют, а не Дух Божии глаголяй в них по Господню словеси. От своих убо помысл прежде чистоты глаголюще, духомнения прелстишася. О сем бо глаголет притча: Видех мужа, мневшася о себе судра быти: упо(л. 249)[909]вание паче его имать безумный. И еже не быти мудр о себе, премудрость запрещает нам. Но и сам исполненый Духа Божия апостол исповедует, глаголя: Не бо доволни есмы от себе помыслити что яко от себе, но доволство наше от Бога. пред Богом о Христе глаголем. Но таковых бо словеса не сладка непросвящена, не от живаго источника Духа приемлюще же и глаголюще, но якоже от некоего езера тименнаго сердца пиавица, змия и жабы похотем возношения не[910] воздержания имущаго питающа и разума их смердящаго имут. Нам же тепла, яже пиюще на возгнушение и скаредие и блевание пременями обращаются.

Х ощеши ли (л. 249 об.)[911] навыкнути и о проклятии Крутицкаго митрополита, аще о нем еси допрошен от совопросника. Разсмотри первый наш ответ к совопроснику твоему, яко иже по плоти отчюю жену просмравивый прокляти, колми паче подобает того проклинати, кто с рождшею его материю прелюбодействует чрез Божественныя заповеди. Г осподу глаголющу: Слушаяй[912] вас, Мене слушает, и отметаяися вас, Мене отметается, отметаяи же ся Мене, отметается пославшаго Мя. Кто есть лживый, точию яко Иисус несть Христос, сей есть Антихрист, отметаяися Отца и Сына, всяк отметаяйся Сына, ни Отца имать.

В идели[913], како (л. 250)[914] речено есть Господем нашим Иисусом Христом? Слушаяй вас, Мене слушает, и отметаяися вас, Мене отметается. Не о мне едином писано есть се, дабы мене слушал Крутицкой митрополит и престал от любодеиства, но прежде всех явлено о апостолех святых и святых отцех, которые проповедали Господа нашего Иисуса Христа и святыя Его заповеди написали и глаголали. М ы от Бога есмы, разумеваяй Бога, послушает нас, иже несть от Бога, не послушает нас. О сем разумеваем Дух Божии истиный[915] и дух лстеч.

И ли ты не веси, елико беззаконуеши чрез Божественныя заповеди и святых апостол и святых отец правила деянием своим (л. 250 об.)[916] и писанием? Како же ты и Крутицкой митрополит несте Антихристи и отметницы Божии, понеже Божественных его повелении и святых апостол и святых отец правил отвергостеся непослушанием. П о 62-му правилу святых апостол: От метник Христа отверженый, яко простый человек приимется. В асилиа Великаго правило 73: Х ристов отметник во всем житии своем да кается, на исхождении жития своего сподобится святаго причащения. П ерваго святаго Вселенскаго собора правило 10-е тожде пишет. Много бо писано о сем и выше сего и не довлеет о вас написати лето едино.

Не удоволился еси в даной тебе епархии (л. 251)[917] заблуждати от истины, но прииде и семо скитатися душею и телом, смущати и превращати на пагубу тебе подобных, отчюжденне от Бога и Божественных повелений.

Якоже и Крутицкий не доволен в своей епархии собрати множество грехов на свою выю, но и олюбодеиствова и матерь свою, и ни же о сем доволен бысть к своей погибели. Приложи и константинополскую церковь насиловати и на Киевскую митрополию, на живаго митрополита стол лицемерием поставил епископа, чего мы сами, соблюдающе Божественыя правила, не смели зделати, еже и множицею от царя на то нудимы были речением и писанием, (л. 251 об.)[918] правила возбраняют без наречения места и времени епископа и презвитера ставити, аще ни да извержется и поставивый и с поставленым. А Крутицкий митрополит поставил Нежинскаго протопопа в Литовской град Оршу, которой не под царьскою державою, ниже церкви православной есть в нем. И той епископ, не быв в том граде, в него же поставлен, да скоре и отпущон наместником в епархию Константинополскаго патриарха, а не Московскую. Аще Киев и под царьскаго величества державою, но о сем ни которое слово к Цареградскому патриарху от царя и великаго князя не бывало, чтобы быть Киевской (л. 252)[919] митрополии под Московским патриархом. И о том писали Киевской митрополии духовенство до Цареградскаго патриарха. И Цареградской патриарх, брат наш, святых апостол поправилу 35-му изверг и проклял ево, Крутицкого митрополита, и с поставльшимся от него.

Правило святых апостол 35.

Не поставляти от чюждаго предела, ни в пределе, аще же без воли того места епископа се сотворит, с поставленным от него и сам не поставлен.

Толкование.

Не подобает никому же от епископ вне своих предел поставляти, ни от чюжих предел приходящих поставляти кого презвитера или диакона. Аще же таковое что сотворит (л. 252 об.)[920] кто без воли страны тоя епископа, да извержется сам и поставленый от него.

И собора, иже во Антиохии правило 13, и святаго Втораго собора правило 2-е.

Той же Крутицкой митрополит, ведая сия апостольския и святых отец правила и ни во что вменив, единому цареву повелению последовал, беззаконно избрал, яже выше писано есть о сем, что мирскими властьми избран епископ не освящен, и той и с поставльшим его извержется.

Священными правилами прощено есть, коемуждо митрополиту в своей митрополии поставляти епископов и то со всеми епископы. А он четверо сугубо[921] беззако(л. 253)ние[922] сотворил, послушав единого царя, вся священныя божественныя заповеди и святых апостол и святых отец правила поправ. Первое беззаконие содеяв, мирския власти избранием, еже есть царьским, на епископство епископа постави чрез правила, Лаодикийскаго собора 13 правило и Седмаго Вселенскаго собора правило 3-е и Антиохиискаго собора правило 19. Второе беззаконие, яко епископи ничто же творят без стареишаго своего, а он ни сам стареишии, ни первый митрополит, но последнии. И о таковом новом деле без всех епископ совета, никому же было мощно дерзостно начинати, якоже правило являет (л. 253 об.)[923] святых апостол 34 и собора, иже во Антиохии, правило 9-е. Таковых ради вин велено по вся лета собором бывати по правилу святых апостол 37-му и перваго Вселенскаго собора по 5-му правилу, и собора Лаодикийскаго по 20-му правилу и иных многих, якоже выше сего писано. А он ни собора о том не собирал, ни соборовал.

Третие беззаконие, яко в чюжей епархии ставил мирския власти повелением, а не в своей митрополии чрез правило святых апостол 14 и святаго Вселенскаго 1-го собора 16 правило, и собора Антиохийскаго правило 13 и 16 и 21-е, и святаго Вселенскаго 2-го собора правило 2-е, (л. 254)[924] и 4-го Вселенскаго собора правило 5-е.

Четвертое беззаконие, яже выше есть писано, в Цареградскую патриархию поставил епископа. Сего ради по всем сим четырем беззакониям Крутицкий митрополит по правилом святых апостол и святых отец извержен есть. Аще и не повинуется, но обаче горшии суд на ся навел.

Святых апостол правило 28.

Иже епископ или поп или диакон извержен праведне о согрешении явленне, и дерзнет прикоснутись прежде врученныя ему службы, сей отнюдь отсечен будет от церкве.

А яже нами проклят, и ты глаголеши, тотчас от Бога предается сатане, чтоб им владел. И для (л. 254 об.)[925] того надобно, чтоб гораздо очи отворил, который чинит и который чинит проклятие, потому что Богом смеятися не надобно, но Бог есть отмщение, и впасти в руце Бога живаго сострашнеишии страх.

Или от тебе единаго утаися грех Крутицкаго митрополита, еже назнаменано выше сего. Послушай, еще ти приложу.

Писано есть во Евангелии: И егда приближашеся Иисус во Иерусалим и приидоша в Вифсагию к горе Елеонстей. Тогда Иисус посла два ученика, глаголя има: Идета в весь, яже прямо вама, и абие обрящета осля привязано и жребя с ним, и отрешивше, приведета ми. И аще вама кто речет (л. 255)[926] что, речета, яко Господь ею требует, абие же послет я. Се же все бысть, да сбудется реченное пророком, глаголющим: Рцыте дщери Сионове, се царь твой грядет тебе кроток, всед на осля и жребя, сына яремнича. Шедша же ученика и сотвориша, якоже повеле им Иисус, приведоста осля и жребя, и возложиша верху ею ризы своя, и вседе верху их. Множаишии же народи постилаху ризы своя по пути друзии же резаху ветви от древ и постилаху по пути. Народи же приходящии ему и воследствующии зваху, глаголюще: Осанна сыну Давидову, благословен грядый во имя Господне, осанна в вышних.

Видели таинства (л. 255 об.)[927] силу, о Христе Спасе нашем пророченное от пророка, якоже и сам Господь свидетелствует. Да сбудется реченное пророком, глаголющим: Рцыте, дщери Сионове, се царь твой грядет тебе кроток, всед на осля и жребя сына яремничя.

И не вем, откуду на Русии приняли тако действовати патриарси, и богоугодно ли то деяние, не вем. Нам же и самем, действуючи, таковая сумнително и страшно было, поне де реченно есть от пророка о Христе, якоже Священное Писание толкует.

Имеяй престол небо, всед на жребя, входит во Иерусалим, дети же евреиския и сами подстилаху ему ризы своя и ветви фиников, (л. 256)[928] овыя убо режуще, другия же и в руках носяще, вопияху ему предсылающе осанна сыну Давидовы: Благословен грядый во имя Господне, царь Израилев.

Сие же бысть, онех языки подвигшю Всесвятому Духу в славу и благохваление Христово. Являху же Христову на смерть победу ваиями, си есть ветвьми. Ваия бо у евреов ветвь мяхкая глаголется. Обычаяй бо бяше победителем и подвигов и брани некиих, ветвьми древес присноцветущих в победных провождениих почитати и обводити. Гадателствено же знаменоваше жребец сущыя ны от язык люди, на нем же всед Христос и препочив одолитель и по(л. 256 об.) бедитель[929], царь всея земли наречесь.