XXI. Что язычники предпочтительнее уверуют во Христа

В книге Бытия: и рече Господь Аврааму: изыде от земли твоея и от рода твоего и от дому отца твоего, и иди в землю, юже ти покажу. И сотворю тя в язык велий и благословлю тя и возвеличу имя твое и будеши благословен; и благословлю благословящия тя, и кленущия тя проклену, и благословятся о тебе вся племена земная (12, 1–3). Тоже и в другом месте книги Бытия: и благослови (Исаак Иакова) и рече: се, воня сына моего, яко воня нивы исполнены, юже благослови Господь. И да даст тебе Бог от росы небесныя и от тука земли и множество пшеницы и вина; и да поработают тебе языцы и да поклонятся тебе князи, и буди господин брату твоему и поклонятся тебе сынове отца твоего: проклинаяй тя проклят, благословляяй же тя благословен (27, 27–29). Еще в книге Бытия: видев же Иосиф яко возложи отец его руку десную свою на главу Ефремлю, тяжко ему явися, и прия Иосиф руку отца своего отъяти и от главы Ефремли на главу Манассиину, и рече Иосиф отцу своему: не тако, отче, сей бо есть первенец возложи руку десную твою на главу его. И не хотяще, но рече: вем, чадо, вем; и сей будет в люди и сей вознесется, но брат его менший болий его будет и семя его будет во множество языков (48, 17–19). В той же книге Бытия: Иудо, тебе похвалят братия твоя; руце твои на плещу враг твоих; поклонятся тебе сынове отца твоего. Скимен львов Иуда; от леторасли, сыне мой, возшел еси, возлег уснул еси яко лев и яко скимен: кто возбудит его? Не оскудеет князь от Иуды и вождь от чресл его, дондеже приидут отложеная ему, и той чаяние языков. Привязуяй к лозе жребя свое и к винничию жребца осляте своего; исперет вином одежду свою, и кровию гроздия одеяние свое. Радостотворны очи его паче вина и белы зубы его паче млека (49, 8–12). Далее, в книге Чисел о людях наших написано: се, людие яко лвичища востанут (23, 24). Во Второзаконии: сей (пришлец) будет глава, ты же (неверный народ иудейский) будеши хвост (28, 44). Также у Иеремии: слышите глас трубы; и рекоша: не послушаем. Сего ради услышаша языцы и пасущии стада своя (6, 17–18). В псалме 17 (ст. 44): поставиши мя во главу языков; людие, ихже не видех, работаша ми, в слух уха послушаша мя. О том же Господь говорит у Иеремии: прежде, неже Мне создати тя во чреве, познах тя, и прежде, неже изыти тебе из ложесн, освятих тя, пророка во языки поставих тя (1, 5). Также у Исаии: се, свидетельство во языцех дах его князя и повелителя языком. Се, языцы, иже не видяху тебе, призовут тя, и людие, иже не познаша тебе, к тебе прибегнут (55, 5). И будет в день оный корень Иессеов и возстаяй владети языки; на Того языцы уповати будут и будет покой Его честь (11, 10). Страно Завулоня и земле Неффалимля и прочии при мори живущии и об ону страну Иордана, Галилеа языков! Людие ходящии во тме видеша свет велий; живущии во стране и сени смертней, свет возсияет на вы (9, 1–2; сн. Мф. 4, 16). И опять у Исаии: сице глаголет Господь Бог помазанному моему (Киру), его же удержах за десницу, повинути пред ним языки и крепость царей разрушу, отверзу пред ним врата и гради не затворятся (45, 1). У него же: гряду собрати вся народы и языки, и приидут и узрят славу мою. И оставлю на них знамение и послю от них спасеных во языки... и в островы дальния, иже не слышаша имене моего, ниже видеша славу мою, и возвестят славу мою во языцех (66, 18–19). Воздвигнет убо знамение во языцех сущих далече и позвиждет им от конец земли (5, 26). Имже не возвестися о нем, узрят, и иже не слышаша, уразумеют (52, 15). Еще у Исаии: явлен бых не имущым мене, обретохся не вопрошающим о мне, и рекох: се, есмь, языку, иже не призваша имене моего (65, 1). О том же самом говорит Павел в Деяниях Апостольских: вам бе лепо первое глаголати слово Божие; а понеже отвергосте е и недостойны творите сами себе вечному животу, се, обращаемся во языки. Тако бо заповеда нам Господь: положих тя во свет языком, еже быти тебе во спасение даже до последних земли (13, 46–47).