Телень чи (зимний день). Н.Зиновьев.

Минек велесь вельтявсь ловсо.

Чувтнэ оршнесть лембе руцят.

Пандось ашо, прок валсть ловсо,

Бурясь тейни ловонь куцят.

Туинь кирякстнеме сокссо,

Бурянть каршо мон ардан.

Ульцясь валдо, теке ёвкссо,

Ансяк ливезенть нардан…

Сёксь (осень). П. Кириллов

Пуви варма, кежей варма,

Апак терде, апак кармавт.

Прыть лапатне, ливтить верьга,

Ливтить коштка, моронть мельга.

Пуви вешкезь, пуви моразь.

Пуви, сезни лопат олазь.

Сёксень чить, якшамот нежедсть.

Чись ваны, ушось а эжи…

Ёвкс «Чеерне» (сказка «Мышка»).

Мольсь Чеерне вирев пештеде ярсамо. Пачкодсь тумо алов. Апак уча прась прязонзо сэря. Превстэ лиссь Чеернесь ды тусь киява чиезь.

Чийсь, чийсь – понгсь каршозонзо Нумолнэ.

- Тон, Чеерне, ков истя чият?

- Ох, Нумолнэ, менелесь лазовсь, монь пряс прась, превеньгак маштсть!

- Саемак моньгак мартот.

Тусть кавонест чиезь.

Чийсть, чийсть – понгсь каршозост Ривеске.

- Чеерне, Чеерне, ков истя чийтядо?

- Ох, Ривеське, менелесь лазовсь, монь пряс прась, превеньгак маштсть!

- Саемизь моньгак мартонк!

Тусть чиеме колмонест. Чийсть, чийсть – понгсь каршозост Верьгиз.

- Тынь, Чеерне, ков чийтядо?

- Ох, Верьгиз, менелесь лазовсь, монь пряс прась, превеньгак маштсть!

Тусть чиеме ниленест. Чийсть, чийсть – понгсь каршозост Овтыне.

- Тынь, Чеерне, ков истя чийтядо?

- Ох, Овтыне, менелесь лазовсь, монь пряс прась, превеньгак маштсть!

- Саемизь моньгак!

- Адя!

Тусть чиеме ветенест. Чийсть, чийсть… Бух!... Весе латкс прасть. Аштить латксонть, а лисевить.

Ёжов Ривезесь мери:

- Тееде кустемат эсь эйстэнк. Мон кузян тынк ланга, лисян латкстонть кучан лескс.

Истя тейстькак. Ривеськесь лиссь латкстонть ды тусь ардозь вирев.

Латкс кадовозтне те шкас учить лескс…

Ёвтадо, парсте ли тейсь Ривеськесь.

Класс.

Александр Кадоркин «Сонет «Пушкин».

Поэзия… Тон арсезеват теде

Ды васняяк свал Пушкинеэнь лецтят,

Кинь эрьва валось седеезэть педи,

Кинь ловнозь, прят одс чачозекс марят.

Сондензэ мейле ламольть поэтнэде –

Некрасов, Маяковский ды лият,

Но кинь а ловнат, сон мелезэть леди:

Сон тетя весенеть, лиятне – братт.

А сепомс тень: Монь сявадыцят сельмень

Лиятнень Роберт Бернс – минек Есенин.

Лиятнень Гейне – минек Блок ды Фет;

Сынст ули Байроност, ули Шекспирэст,

Но косояк те шкас, зярс ашти мирэсть,

Эзь чачне Пушкиншка поэт.

А.Кадокин в этом стихотворении показал всемирную известность А.С.Пушкина, сказав, что всем поэтам он – отец, а остальные – братья.

Вирьсэ. Г.Агейкин. (В лесу).

Мон вечкан якамо ялго

Пиже вирень тея янга.

Молят састо, солазь солат,

Нармунень морот кунсолат;

Муят тестэ килей панго,

Мерят, теке зонтик ланго

Ашти ды учи тонь эйсэ,

Зярдо сат, кенярдозь сейсак.