Разорение 23-му вопросу и ответу. 14 страница

Я ко же и Давид святый глаголет: Аще оправдания моя осквернят и заповеди моя не созранят, посещу жезлом беззакония их и ранами неправды. И инде рече: Да исчезнут грешницы от земли и беззаконницы, яко не быти им. И паки: Беззаконницы же потребятся вкупе и семя нечестивых потребится. И приточник глаголет: Путие[2059] нечестивых от земли погибнут, законопреступницы изринутся от нея. И паки: Оружие[2060] свое очистит, лук свой напряже и уго(л. 557 об.)това[2061] и, и в нем уготова сосуды смертныя, стрелы своя со горящими содела. Понеже[2062] звах, и не послушасте Мене, простирах словеа и не внимасте, но отметасте моя советы и моих обличении не внимасте. Тем же и Аз вашей погибели посмеюся, порадую же ся всегда, аще приидет вам погибель или яко молва на вы внезапну разорение подобно бури приидет или егда вам приидет печаль и граду обстояние. Будет бо егда призовете Мя, Аз же не послушаю вас, взыщут мене злии и не обрящут, возненавидеша бо премудрость и страха Господня не изволиша. Не хотяху бо внимати Моих словес, подражняху бо Моя (л. 558)[2063] обличения, тем же, убо сведят своих путий плоды и своея нечести насытятся. Т ако и Исаия глаголет: Яко[2064] звах я, и не послушаша Мене и сотвориша злое пред Мною, его же не восхотех изволисте.

Сего ради тако глаголет Господь: Се работающии Ми наядятся, вы же взалчете. Се работающии Ми напитаются, вы же вжаждете. Се работающии Ми возрадуются, вы же посрамитеся. Се работающии Ми возвеселятся в веселии сердца, вы же возопиете в болезни сердца вашего и сокрушения духа восплачитеся. Останет бо имя ваше в насыщение избранным Моим, вас же избиет Господь. Сего ради тако рече Господь: Се ярость (л. 558 об.)[2065] Моя и прогневание Мое собирается на место то, на мужи и на скоты и на древо страны и на плод земный и возжется и не угаснет. Сия рече Господь силе Израилеве. И паки Исаия[2066] рече: О люте[2067] страно грешна, людие полно грехов, племя злое, сынове беззаконнии, остависте Господа и разгневасте святаго Израилева, обратистеся вспять, что и еще уязвляется, прилагающе беззакония: всяка глава в болезнь и всяко сердце в печаль. От ногу и до главы несть в нем целости, ни струпу, ни язве, ниже ран гниющих, несть пластыря приложити, ни масла, ни обязания. Земля ваша пуста, гради ваши огнем пожжени, страну вашю пред вами (л. 559)[2068] чюждии поядают и опустеет разсыпана, яко в разсыпании враг. П лачите[2069], рече, и рыдайте, иже несть обращен гнев ярости Господня от вас. И будет в день той, рече Господь, погибнет сердце царево и сердца началником, и ужаснутся священницы, и пророцы мыслию вознесутся и рекох: Ох, ох, ох, Господи Боже, еда оболстил еси люди сия. Мир будет вам, и се прииде меч и смерть. И паки ин рече: Рыдайте[2070], близко есть день Господень и сокрушение от Бога приидет. Сего ради рука разслабеет и всяка душа человеча убоится, и смятутся послы, и болезни приимут я, яко жене раждающи, и поскорбят друг ко другу и ужаснутся., лице их яко пламы пременят. Се бо день (л. 559 об.)[2071] Господень без целбы грядет ярости и гнева. Положити всю вселенную пусту и грешники погибнут от нея. И рекох, доколе, Господи? Рече ж: Дондеже опустеют города невселением и домове небытием человечим и земля останет пуста. Не[2072] восхотеша бо закона Господа Саваофа и слово святаго Израилева прогневаша. И возъярися Господь Саваоф гневом на люди своя, и положи руку свою на них, и порази их, и разгневася на горы, и быша мертвецы их яко гной посреде пути, и во всех сих не отвратися ярость Его, но и еще руку Его высока. И[2073] аще рекут к тебе, Господи, Изыдем. Речеши к ним: Сия рече Господь, иже к смерти, к смерти, иже к мечю, к мечю, (л. 560)[2074] иже к гладу, к гладу, иже к пленению, к пленению, и посещю на тех четырми образы. Рече Господь: Меч на заклание, пси на растерзание и птицы небесныя и звери земли на пожрение и на расхищение. И дам их в погибель всем царством земным, и не оплачются, ни погребутся, во смятении на лицы земли будут. Понеже взях мир Мой от людии Моих, рече Господь, милости и щедроты, и умрут велицы и мали и не изломят между их стенящих хлеба ко утешению над мертва, и не дадут им пития чаши, ко утешению отца своего и матере. Рать[2075] извну с мечем, глад же и смерть изнутри, иже на поли, мечем скончается. сущих же во граде (л. 560 об.)[2076] глад и смерть скончает. Поищеши мира, и не будет, люто долю та будет, и весть до вести будет. Царь возсетует, и князь облечется в пагубу, и руки людии разслабеют. По путем их сотворю им, суды их отмщу им, и разумеют, яко Аз Господь. И[2077] будет бежаи страха, впадется в пропасть, и излазя ис пропасти, имется в пругле, яко двери с небесе отверзошася и потрясутся основания земная. Мятежем возмятется земля, преклонит и потрясется земля, аки куща ограды, и аки пивыи пьян, сыи падется и не возможет стати, соодоле бо им беззаконие.

Т аковых зол плачется Божественый(л. 561)[2078] Мизея, глаголя: О люте мне душе, яко погибе боязнивый со земли и исправляющаго в человецех несть. Вси в кровех прятся, кождо их по другу своему зазлят, на злобу руце их уготовляют. Князь просит, а судии мирная словеса глагола, а помысл души его лесть. И отъиму благости их, яко моль ядяи, и ходяй во вреде в день присещения. О люте, о люте, отмщения твоя приспеша. Ныне будут плачи их, не уповайте во друзех, ни надейтеся старейшинах. Вскую[2079] мне указа труды и болезни, усмотрити страсти и безчестия, противу мне бысть суд и судии вземлет. Сего ради разсыплется закон и не изводится до горшения суд, (л. 561 об.)[2080] яко нечестивый преобидит правдиваго, сего ради изыдет суд укривлен.

В идите[2081], обидливии, смотрите и чюдитеся, и узрите, и исчезнете, яко дело Аз соделаю во дни ваша, ему же не имати веровати, аще кто исповесть вам. Т ако[2082] и во священном Евангелии пишется о нехраняющих заповеди Господни. Он же раб, ведый волю господина своего, и не сотворь, ниже уготовлся к хотению его, биен будет много. И паки инде речеся: Не покаряяй же ся Сыну, не узрит жизни, но гнев Божии пребывает на нем. И паки инде рече: Аще речет раб он в сердцы своем, коснит господин мой приити, и начнет бити рабы и рабыня, ясте же и пити (л. 562)[2083] и упиватися. Приидет господин раба того в день, в он же не чает, и в час, в он же не весть, и разсчет его пол и часть его с неверными положит.

Т акожде Господь и о лукавых приставниках, то есть царех, и о судиах неправедных, иже приемше талант, то есть власть, и не по святым законом суд судят, но по своему изволению, якоже написавый суд их показует беззаконие их, по писанному: Рече, рабе лукавый, от уст твоих сужду тя. И прочее, иже зде притча Христова явнее покажет. Человек[2084] некии добра рода иде на страну далече прияти себе царство и возвратитися. И граждане его, ненавидяху его (л. 562 об.)[2085] и послаша молитву во след его, глаголюще: Не хощем сего да царствует над нами. И бысть, егда возвратися, приим царство, рече: Пригласити рабы, обаче враги моя оны, не хотевшая мне, да царь бых был над ними. Приведете семо и изсецете предо мною. Тако и тем всем сотворит Господь, иже ныне отметаются Божественых Его заповедей и суда в День Судный, по заповеди, глаголющей: Отметаяися Мене и не приемляй глагол Моих имать судящаго слово, еже заповедах, то судит ему в последнии день. Тако и иже отметающиися святых пророк и святых апостол и святых отец и благочестивых царей заповедей и канонов.

Ину[2086] притчю слышите. Человек некии (л. 563)[2087] бе домовит, иже[2088] насади виноград и оплотом огради его, и ископа в нем точило, и созда столп, и вдаст делателем и отъиде. Егда же приближися время плодом, посла рабы своя к делателем прияти плоды его. И емше делатели рабы его, ового убо биша, ового же убиша, ового же камением побиша. Паки посла ины рабы множайша первых, и сотвориша им такожде. Последи же посла к ним сына своего, глаголя: Усрамятся сына моего. Делатели же, видевше сына, реша в себе: Сей есть наследник, приидите, убием его и удержим достояние его. И изведоша вон из винограда и убиша. Егда убо приидет господин винограда, (л. 563 об.)[2089] что сотворит делателем тем? Глаголаша ему: Злых зле погубит, и виноград предаст инем делателем, иже воздадят ему плоды во времена своя.

Р азуместе ли Божественую притчю Христову, кто есть человек неции? Сам святый Господь Бог. Кто ли делатели? Израилтяне. Кто ли рабы? Пророки, посланныяк ним, их же ового убо биша, якоже Иеремию, ового же убиша, якоже Исаию, ового же камением побиша, якоже Науфея и прочия. Что же ли сотвори тем дому владыка, то есть Господь Бог? Злых зле погуби, то есть живот. И где есть тех царство, но все тако исполнися, якоже пророки прорекоша (л. 564)[2090] роду тому лукавому, о нем же Исаия прорече: Виноград[2091] бысть возлюбленному на холме, на месте блазе, и ограждением оградих, и уколих, и насадих лозу избранну, и создах столп среди его, и предточилие ископах в нем, и ждах, да сотворит гроздие, сотвори же терние. Ныне убо возвещу уже вам, что сотворю винограду моему, отъиму ограждение, и будет на разграбление, и разорю стену его, и будет в попрание. Тако бысть. Тако ж и ины многи рабы посла, святыя апостолы и учители множайша первых, их же делатели не послушаша и сотвориша такожде, якоже Предтечю Иоанна усекну Ирод, и Петра и Павла Нерон (л. 564 об.)[2092] и инех инии. Что же сотворивому владыка? Не се ли? Злых зле погуби и виноград предаст инем делателем, тако и по сих гречестии цари и инех царств мнози, елицы пожиша по Божественым заповедем и святыя преданныя правила святых апостол и святых отец сохраняли, в мире скончалися и Царствию Небесному наследницы быша. А елицы беззаконно согрешиша, беззаконно и погибоша, и царства их запустеша.

Н е сия ли вся збышася на нас по писанному: Соберу на них злая, и стрелы моя скончаю в них. И по мале.

Н е сия ли вся собрашася у мене и запечатлешася в сокровищих моих? В день отмщения воздам, (л. 565)[2093] во время, внегда соблазнится нога их, яко близ день погибели их. И предстоят готовая вам, яко поострю яко молнию меч Мой и приимет суд рука Моя, и воздам месть врагом и ненавидящим Мя воздам. Упою стрелы Моя от крове, и меч Мой снесть мяса. Тогда увидите, яко Аз есмь Бог и несть разве Мене.

Н е тако ли все, елико вышеписанная на нас збышася? Не быша ли морове велицы во царствующем граде Москве и во всех градех лютою язвою и неисцелною? Не возбоя ли ся сердце царево, егда мору бывшу, царице же на Москве со царевичем Алексеем и со царевнами, и не веде, что сотворити и камо бежати? Не бысть ли (л. 565 об.)[2094] князи в пагубу, якоже князь Михаил Пронской с товарыщи, в мор на Москве умре? И от всенароднаго множества не ослабели всяка рука, якоже князь Алексеем Трубецким товарыщи два князь Семен Пожарскии и Львов и прочие. И елико со инеми воеводы, с Васильем Шереметевым и князь иваном Хованским коликия тмы скончашася мором по градом и по селом и по деревням и на войне, не убояша ли ся всяка душа человечья? Не смятоша ли ся послы, от царя посылаеми до Москвы в мор и от Москвы до царя? Не прияша ли болезни, яко жена раждающая? Не поболеша ли друг о друзе? Не ужаснуша ли ся ужасом великим? (л. 566)[2095] Не быша ли лице их яко пламы? Не быша ли день Господень без целбы полн ярости и гнева? Не положи ли Господь Москву и окрестныя грады пусты? Не погуби ли грешники от них? Не разшири ли ад души своея и не разверзе ли усть своих? Не снидоша ли славнии и велицый, богатии и нищии, о них же множестве несть время зде и списати? Их же число един Господь Бог весть. Не все ли се быша по писанному: Псом и свиниям на растерзание, птицам небесным и зверем земным на пожрение и расхищение? Кто тех оплака? Кто же ли погребе? Никто же. Не се ли всех отдаде Господь в погибель всем царством земным, якоже от всех (л. 566 об.)[2096] слышится, от тамо приходящих, яко несть дому во странах поганских, в нем же не бе христиана неволника, то есть полоненика. И сбышася все на глаголющих, иже реша: Да наследим себе святилище Божие. Боже мой, положи я яко коло, яко трость пред лицем ветра, яко огнь, попаляя и дубравы, яко пламень, пожигая и горы. Тако поженеши я бурею Твоею и гневом Твоим смятеши я. Исполни лица их безчестия и взыщут имени Твоего, Господи. Да постыдятся и смятутся в век века, и посрамятся и погибнут, и да познают, яко имя Тебе Господь. Ты един Вышнии по всей земли.

(л. 567)[2097] И паки во ином псалме: Бог[2098] отмщений Господь. Бог отмщений не обинулся есть. Вознесися судяй земли, воздаждь воздаяние гордым. Доколе, Господи, грешницы, доколе грещницы восхвалятся? Провещают и возглаголют неправду, возглаголют вси, делающии беззаконие. Люди Твоя, Господи, смириша и достояние Твое озлобиша. Вдовицу и сира умориша и пришелца убиша и реша: Не узрит Господь, ниже разумеет Бог Ияковль. Разумейте же, безумнии в людех и буии, некогда умудритеся, яко не отринет Господь людей своих и достояния своего не оставит. Господь судит людем своим и о рабех своих умолится. И[2099] воста, яко спя Господь, (л. 567 об.)[2100] яко силен и шумен от вина, и порази враги своя вспять, поношение вечное даде им. И смирися человек и обезчестися муж, и очи высокоглядающии обнизитася. Обаче[2101] за лщения их положил еси им злая, низложил я еси, внегда разгордешася. Како быша в запустение внезапу, изчезоша и погибоша за беззаконие свое. И[2102] во всех сих не отвратися ярость Его, но и еще рука Его высока.

Тако и оставшим злотворящим Божественное Писание претит, глаголя: Зане[2103] его же ты поразил еси, тии погнаша и к болезни язв моих приложиша. Приложи беззаконие к беззаконию их, да не внидут в правду твою, (л. 568)[2104] да потребятся от книг живущих и с праведными да не пишутся.

Н ыне же к тебе обращаемся, лжи предтеча, списателю неправде и беззаконию. Ты же ми отвещай. Пишешь в своем сложении на листе 63-м: И по государеву цареву и великаго князя Алексия Михайловича всеа Русии указу бояре князь Никита Иванович Одоевской с товарыщи выписал ис правил святых апостол и святых отец и из градских законов греческих царей, и из старых судебников прежних великих государей и прочее. И что ис правил выписал, ис которых правил? Се ли, еже пишешь в десятой главе, в первой статье о суде? С уд государя царя и великаго (л. 568 об.)[2105] князя Алексея Михайловичя всеа Русии судит бояром и околничим и думным людем и диаком и всяким приказным людем и судьям и всякая росправа делает всем людем Московского царства от болшаго и до меншаго чину в правду.

От вещай, в которых то правилех написано, что суд великаго государя царя, а не Божии? Мы же ти рехом выше и ныне глаголем, яко суд Божии есть, и о сем доволно предь написахом. И царие слуги суть Божие, яко же приточник глаголет: Слышите[2106] убо царие и разумейте, и научитеся судии концем земли. Внушите содержащии множества и гордящиися о на(л. 569родех[2107] язык, яко дана есть от Господа держава вам и сила от Вышняго, иже истяжет дела ваша и помышления испытает, яко слузи суще царства Его, и не судисте право, ни сохранисте закона, ниже по воли Божии ходисте. Тако и Давид галголет: И[2108] ныне царие работатйте Господеви со страхом. И прочее. А еже работати Господеви рабство знаменует, и сам о себе глаголет, яко: Аз раб твой есмь. И инде глаголет: Твой есмь аз, спаси мя.

Т ы же како смел еси в своем ложном и проклятом писании в десятой главе в 25-й статье: Да[2109] суда же не судить и никаких дел в приказех не делать, опричь великих царственных дел (л. 569 об.)[2110] в день Рожества Христова, в день святаго Богоявления и в ыныя господьския праздники, С ырная неделя, П ервая неделя В еликаго Поста, С трастная неделя, с едмь дней по Пасце, д а в которой день приспеет праздник, день рождения государя царя и великаго князя Алексея Михайловича всеа Русии и его благоверныя царицы и великия княгини Марии Ильиничны, и их благородных чад. О пребеззаконниче и злобесный человече, како не устыдеся, ни устрашися? Беси того исповедаху Сына Божия и Бога, глаголаху: Почто еси Сыне Божии пришел еси прежде времени мучить нас? А ты, злострастный человече, не исповеда того Бога быти и Господа (л. 570)[2111] нашего Иисуса Христа, аки проста человека, пишешь: в воскресной день, в день Рожества Христова. Ибо Христи мнози, и царие и священницы Христи, то есть помазанники и лжехристи, якоже Иисус Христос глаголет и апостоли: Мнози бо лжехристи изыдоша в мир и антихристи мнози, а Христос Бог наш един есть. Не усохл бы скверный твой язык изглаголати или написати: Рожество Господа Бога и Спаса нашего Иисуса Христа или Святое Богоявление Господа Бога и Спаса нашего Иисуса Христа[2112], и ниже праздник нарече, но день. А яже о царе, да в который день приспеет праздник, день рождения государя царя и прочее. Такожде и о царице и о них чадех. Которыя праздники, которое таинство? Развее что любострастно и человеческо, и во всем при(л. 570)подобил[2113] еси человеков Богу, но и предпочтеннее Бога. А яже о таинства Божиих, то есть о Рожестве Господа Бога и Спаса нашего Иисуса Христа и о Святем Его Богоявлении и Воскресении, послушай богословнейшаго Григория, яже на Пасху в первом слове и стихе.

О Воскресении Господа Бога и Спаса нашего Иисуса Христа.

В оскресения[2114] день и начало десно. Просветимся торжеством и друг друга обымем, и рцем, братие, ненавидящим нас, не яко любве ради что сотворшим или пострадавшим, простим вся с покорением, дадим милость друг другу.

Т олкование.

П риидите прочее о светлем празднице сем и торжестве, духовне просветимся, еже одеянии добродетели, (л. 571)[2115] и друг друга приимем, показующе всем любовно и братолюбовно и союзно ко единству, рцем братие ненавидящим нас. Сие пророчества Исаина прият Богослов, глаголющее: Рцыте ненавидящим вас и мерзящим: Братия наша есте. Ум же слову сицев есть, яко и тии, иже ненавидят нас. Рцем же, о братие, еже есть, призовем их именем братие. Се убо указ благости произволения, к сим подобает бо и врагом глаголати: О братие.

Таинство[2116] праздник многащи Богослов именует, заеже в сих таинства смотрения спасения нашего чюдеса быша. Таинствия ж суть, заеже суть неверным, ни бо подобает к неверным таинственнейша праздник глаголати и по владычнем слове: Не лепо (л. 571 об.)[2117] есть просыпати бисер пред свиниами.

И во втором слове на Пасху глаголет.

П асха[2118], Господня пасха, и паки реку Пасха, честь Святей Троицы, ты нам праздником праздник и торжеством торжество, толико превозходящим вся, не человеческия точию, но и низу грядущыя, но уже и тыя Христовы и о Нем сотворяемыя елико звезды солнце.

Т олкование.

П раздник же праздником Пасху нарицает и торжество торжеств, яко и святейшии праздник. Тако обычай убо имяху и древнии, яже честнейшая вещей сице именовати, юножска и брачна и населна, по ветхих творяще та глаголаху. Праздноваху тии день той, егда дитя раждашеся или брак творяху или храм созидаху, летному кругу день (л. 572)[2119] носящу, якоже святая святых, и песни песней. Аще не убы было воскресние, не бы и рождество, ниже крещение, ниже и на Христова таинства хотяхуся известити и уверити. Кои же человечестии праздницы, по некоих убо праздницы святых? Поистинне же, яже юношска и брачна и населна и елика сим подобна. Таковыи праздницы низу грыдут доле и на землю возвращаеми. Святых же праздницы к Богу возносятся и восходят. Не точию человеческия праздники праздник Пасха побеждает и превосходит, но и самыя Христовыя толико покрывает, едико и звезды солнце. Сице пресветляется дне благодать. Прочее ж о Воскресении Христа Бога нашего торжестве и таинстве насладитися, прочти первое (л. 572 об.)[2120] и второе слово на Святую Пасху.

А яже о Рожестве Господа Бога и Спаса нашего Иисуса Христа, никоторые чести творя, пишешь. Послушай того ж богословнейшаго во осмом слове, яже на Рожество Христово.

Х ристос[2121] ражается, славите, Христос с небесе, срящите, Христос на земли, возноситесь. Пойте Господеви вся земля и да обоя совокуплше, реку: Да веселятся небеса и радуется земля за небеснаго таж земленаго, Христос во плоти, трепетом и радостию радуйтеся, трепетом греха ради, радостию же аз упование. Христос от Девы, жены девствуйте, да Христу будете матери. Кто не поклоняется исконному, кто не славит безконечнаго и прочее. С его[2122] ради убо празднуем не торжественне, но божественне, не мирски, (л. 573)[2123] но премирне, не нашая. Не яже немощи, но яже врачевания, не яже зданию, но яже обновлению, будет же се како не преддверия венчаим, не лики составим, не украсим стогны, не око упитеим, не слух огласим, не ухание возвеселим, не вкус любодействуим, не осяжением порадуемся предручными в злобу путевы и входы греха, не одеянием умягчимся, мягким же и растлевающим и ему же добрейшее непотребство, не каменей прозрачием, не злата светенми, не румянством пред мренми лстящих естественную доброту и на образ умяшленных, не игры и пиянствы, им же ложа и нечестна вем сопряжена, понеже злых учителей зла учения, паче ж злых семян злы плодове.

Т олкование.

(л. 573 об.)[2124] С его ради убо празднуем, рече, не яко обычай в людских торжествах, пищею и гощением и того красованием, но яко любезно есть Богови и духовно. Не мирски, рекше сластолюбиве, и якоже миродержец хощет, но премирне и аггельски, не нашая, рекше ко угождению нашему, но яже ко угождению Христову, нашему сроднику по человечеству, владыце же по Божестве, не яже немощи, но яже врачевания. Подобает убо подобне празднику праздновати и аще убо празднуем, от них же изнемогохом, подобаше праздновати пиянством, немощь бо пиянство и блудство. Елма же сопротивно творим и празднуем, ими же уврачевани быхом, праздновати достоит воздержанием, якоже врачевание (л. 574)[2125] воздержание к душевному врачевству сосвязуя, не яже здания, но яже наздания и обновления, при телеснем убо рождестве телесна вся, и здание и еже того ради торжество. Назданию же духовну сущу и Божествену духовне и Божествене достоит торжествовати. Здание убо зде не первое глаголет, в не же Христос перст взем от земли, рукама своима человека в начале созда, но рождеством друг друга приятием, им же создаемся человецы естественне в материих ложеснах. Будет же се како и коим образом исправити имамы, убеждаеми, еже торжествовати духовне, рекше не ветвьми садовными, еже обыкоша нецыи творити в праздники, венчанми и преддверия, ниже еже (л. 574 об.)[2126] разливателное и радователное, лики составим вне церкви, ниже еже людско вяще есть, украсим стогны, повешающе всякия виды сокровищ ко украшению грядущих на торжество, ниже еже есть страстнейше очи упитем безместны чюдодейств указанми или телесне возренми, сласти жало влагающих, питение бо и наслаждение очима, еже пытливе зрети ни в чесом прикладная по всем. Начен же Богослов и считати, чювствия пять глаголет. И первие убо царственнейше зрение, по нем же слух повелевает не ушима растлевателно пение душ удержавати, не свободна бо страсть и охуждение от таковаго, (л. 575)[2127] нецый бо убо от свирепения неистовствуются и скачют, яко беснуеми являются. Возвеселяет и разслабляет обоняние, воня добрых благоухании, блудим же вкусом, егда сластем пищ издамы той. Радость же осязания, рекше красования, еже страстне телес прикасатися и что убо рещи имать кто о еже не подобати, яже во осяжении и вкусе сладости гонити или яко понуждают, иже всия упразднившихся жити якоже скоти безсловесни к чреву и коя же под ним преклоншихся. И просто чювствия не пестуема добре, убодне суть путие в злобу и входы греха, теми бо приидохом в злобу и теми в дущю грех. Не одеянием мягким умягчимся, еже (л. 575 об.)[2128] растлевает и в поползновение тело влечет обоима сима, и избыточеством и мягкостию. Сему ж одеяние изрядное, еже деати тому праздну щадения ради и не в потребу иметись, добрейшая бо одеяния в ковчежце имамы положена непотребна, ниже шар у премудренми да приемлем, подписующе лица псимитом и кмсаром и иными блудническими сотренми, яже лстят естественую доброту, лицемерующе ту уподоблением и на образ умышлена быша. Потребляют бо зраки и скрывают вид, его ж написа естественый живописец Бог, и еще благообразне да ходим, якоже заповелевает апостол, не игранми и пиянствы и не ложи скверными, добре ж совокупи (л. 576)[2129] и пиянствам, ложа и блуды от тех бо раждаются. Играяй бо упивается, упив же ся, к ложу зрит. Сей же блудит вином к беззаконному смешению и сластем, яко бо злии учителие игра и пиянство, научают злым учением, ложу и блуду, паче ж понеже еже учити одушевленных истейше есть. Своиственнейше убо есть глаголати, яко семя убо есть их пиянство, возделание же того и плод блуд.

П аки на Крещение в первом слове пишет сице.

П аки[2130] Иисус мой и паки таинство, таинство непрелестно, ниже не украшено, ниже еллинская лсти и пиянства. Тако бо аз нарицаю онех честная, мню же и благосмысленых (л. 576 об.)[2131] кождо, но таинство высоко же и божествено и вышния светлости ходатай, святый бо просвещения день, в он же собрахомся и еже праздновати сподобихомся днесь. И прочее.

Т олкование.

Таинство[2132] же Богослов праздник именует не единою же, но многажды, любве ради, якоже и о ненавидимем случается, его же ни помянути хощем обнюдь. Есть бо, рече, таинство се не лестно, ни ложно, ни пагубно, якоже убо еллинская празднования лестна и ложна, паче же рещи срамна и скверна. Наше же таинство высоко и безстрастно и ходатайствено вышния светлости. И прочее.

Т ого ж.

В ремя[2133] по рождению, родимся свыше, время обновлению, в перваго Адама (л. 577)[2134] облецемся, не пребудем, в них же есмы, но еже бехом будем.

Т олкование.

Р ождение о бывает человеком от человек, порождение же от Бога. Тем же убо отложше плотское рождение, припряженое тлению, породимся свыше от небесе. Небесно бо есть, еже во крещении Духом Святым бываемо, сим бо и первое рождение поновляем.

Е ллинско[2135] таинство, их же блядь мне, всяка треба и таинство бесовско изообретение темно, и мысли и деяния зломудрена, летом помогаемо и баснею крадомо. И прочее.

В чера[2136] светлый просвещения день праздновавше, ибо подобаше радостна положити спасению нашему и вящше паче брачных и рождественых имени прозвания любо(л. 577 об.)телесным[2137], юностна же и населна и вселетна, и елика ж ина торжествуют человецы днесь о Крещении, в мале да речем, и от того нам сущей благодати, аще и вчера нас слово прейде, времени прешедшу, к сему ж и слова обилие бегающе. И прочее.

Т олкование.

В чера, рече, светлый просвещения день праздновахом, ибо и радоватися подобно бяше о спасении нашем и то праздновати паче, от еже плотолюбцы празднуют день рождения своего, рекше, в он же родися, и браки, яко оженися, и имянины, егда имя наречено, и постриги, и прочая плотския торжества. Т ри[2138] убо рождения нам весть слово, еже от плоти, еже от крещения, еже от воскресения, (л. 578)[2139] сих же ово есть нощно и страстно, ово же духовно и свободно и решительно страстем.

Т олкование.

Т ри убо сия рождения, яже глаголет Богослов, праве о сих и Еклисиаст сповествует. Едино от телес, еже друг от друга раждаяхуся[2140], второе от крещения по рождение, третие от воскресения. И еже убо от телес нощно и темно есть, вресно ту бо и сочетание брака паче нощию бывает, яко рабско суще и яко[2141] страстми владомо, от сластолюбия бо брак и сочетание, се бо в беззаконии зачат есмь, и во гресех роди мя мати моя.

Р азсмотри, богоборче, яже о праздниках таинства Воскресения Господа Бога и Спаса нашего Иисуса Христа и святаго Его Рождества и святаго просвещения таинства и рождество царьско, (л. 578 об.)[2142] о нем же Давид свидетелствова выше сего, и которое сочетание свету ко тме, по Божественому апостолу и правде к беззаконию, еже ты, зломудре, предпочте день рождения царя и царицы и чад их, паче днеи таинственных Христовых, глаголю святаго Его Воскресения и Рождества и Богоявления. Ини же праздники тех нарече таинства ради, якоже выше изообрази Богословнейшии Григории, но день Рождества Христова и прочая. А яэе о царьском рождества праздник и которой праздник или таинство? Разсмотри усердно, и еще ти к сим приложим.

В си[2143] убо владычнии[2144] праздницы и Божественная торжества таинства показуют и являют перваго (л. 579)[2145] пришествия плотскаго Господа Бога и Спаса нашего Иисуса Христа, сиречь, яко родился есть и яко крестился есть, яко преобразися, яко распялся есть, яко погребеся, яко воскресе в третии день и яко вознесеся.

В сякии[2146] же праздник владычнии и торжество радости духовнеи возделание душевней светлости и красоте ходатай, церквам украшение и благолепие духовно, небо земное и плод восхождение, прехождение есть от смиренных на высокия и божественая, восхождение от мирских на премирная, от плотных на духовная: от чювственых на разумная, от земных на небесная. Сего ради и мы духовно празднуем и освящением и безстрашием и миром (л. 579 об.)[2147] и совокуплением Богу угодим и пребываем со страхом в песнех и молитвах и молбах и в правдах, и милостыни Бога умоляем, даже от Него богатно дано будет нам вхождение во Царство Небесное и безконечное и блаженное, идеже празднующих непрестанный глас и неизреченное благодушие и безсмертных благих наслаждение. Духовнии убо праздницы Божественая торжества спасение воистинну искупляют душам нашим. И толико болша суть от мирских праздник и торжеств и всех житейских куплей, елико болши есть душа тела и елико болши есть небо от земли и елико болши есть жития сего мимотекуща в будущее, (л. 580)[2148] по святому: Иже око не виде и ухо не слыша и на сердце человеку не взыде, яже уготова Бог любящим Его.