На пляцоўку пад народную музыку выходзіць Лявон, за ім ідуць усе ўдзельнікі конкурснай праграмы.

Перад пачаткам свята гучыць народная музыка. На пляцоўку выходзяць вядучыя.

Вядучая 1: Ой, добры дзень вам,

Дарагім сябрам!

Сёння свята Масленкі

Будзем пяяць песенкі,

Будзем гульні граці,

Зіму праважаці,

Зіму праважаці,

Вясну сустракаці.

Вядучая 2: Вас на свята запрашаем

І вяселле абяцаем!

Тут сумоце будзе пуста,

А ўсмешкам, жартам – густа!

Вядучая 1: Хто на Масленку сумуе,

Таму ў годзе не шанцуе.

Будзем сёння забаўляцца,

І блінцамі сілкавацца.

Вядучая 2: Так, зайграйце, музыкі,

Бо настаў дзень вялікі!

Хай вяселле звініць навокал!

Хай жа ж нашае свята

Войдзе ў кожную хату!

Вядучая 1: Вас вітае народны калектыў………………………………….

На пляцоўку выходзіць першая суседка.

Суседка 1: Ой, паслухала музыкаў

Сэрцу стала млосна.

Запрашу-ка іх пасля

Да сабе на госці.

Чарка, скварка, блінок драны,

Потым песні да світання.

Як усё добра атрымалась.

Ой, а людцаў-то сабралась.

Выходзіць другая суседка.

Суседка 2: Здарова, суседка,

Колькі дзён, колькі год!

Не знаеш чаго тут сабраўся народ?

Суседка 1: Ты б лепей з пачатку з людзьмі павіталась,

Вунь, госці ў нас, а ты тут раскрычалась.

Суседка 2: Добры дзень, госці званыя, жаданыя, заезджыя, заходжыя!

Суседка 1: Добры дзень, людцы добрыя!

Суседка 2: Ну, вось павіталась,

Кажы ўжо, ў чым справа?

Гляджу панаехала людцаў арава.

Суседка 1: Сягоння святкуем вялікае свята,

Таму сабралося так людцаў багата.

Зараз будзем забаўляцца,

І блінамі сілкавацца.

За вялікі блін, як сонца,

Трэба працаваць бясконца.

Суседка 2: А каб пакаштаваць аладкі,

Адгадайце-ка загадкі.

Суседкі па чарзе загадваюць загадкі, адгадаўшых вядучыя частуюць аладкамі.

На пляцоўку пад народную музыку выходзіць Лявон, за ім ідуць усе ўдзельнікі конкурснай праграмы.

Суседка 1: Глядзі, ці не Лявон гэта да нас на свята завітаў?

Суседка 2: Яшчэ і не адзін, а з госцікамі.

Суседка 1: Здарова, Лявон!

Лявон: Здарова, суседкі! Добры дзень, шаноўны люд!

Разам з сябрамі завітаў на ваш цуд.

Удзельніца 1: Прыйшлі да вас са званочкамі, ды кляшчоткамі,

Дудкамі, ды бразготкамі.

Удзельніца 2: А мы з ножкамі ды далонькамі,

Яшчэ з прыпеўкамі звонкімі.

Суседка 1: Ой, а як жа я люблю прыпеўкі спяваць.

Суседка 2: А я таксама. Так давайце зараз і наладзім спаборніцтвы на лепшых прыпевачніц раёна Пастаўскага.

Суседка 1: Вось тут ты маеш рацыю, ды не проста так, а па розных намінацыях.

Лявон: Нічога ў вас суседкі не атрымаецца.

Суседкі (разам): Гэта чаму?

Лявон: Бо няма тут маёй Лявоніхі, толькі яна ўсе прыпеўкі знае, а як прадстаўляе.

Суседка 2: Так дзе ж яна падзелася?

Лявон: Недзе тут блындаецца, відаць ізноў з кім-небудзь языком зачапілася, вось ад нашага гурта адстала.

Суседка 1: Трэба ж яе пазваць. Але як гэта зрабіць, каб яна пачула?

Суседка 2: Ну, калі яна любіць прыпеўкі, так можа заспяваем усе разам Лявоніху?

Лявон: Так-так, уж гэта яна пачуе. Ну, што пачнем.

Ой, Лявоніха хадзі да нас спарчэй,

Будзем конкурс пачынаць мы хутчэй.