Студопедия

Главная страница Случайная страница

КАТЕГОРИИ:

АвтомобилиАстрономияБиологияГеографияДом и садДругие языкиДругоеИнформатикаИсторияКультураЛитератураЛогикаМатематикаМедицинаМеталлургияМеханикаОбразованиеОхрана трудаПедагогикаПолитикаПравоПсихологияРелигияРиторикаСоциологияСпортСтроительствоТехнологияТуризмФизикаФилософияФинансыХимияЧерчениеЭкологияЭкономикаЭлектроника






Икрамзава за ракъиниз






Кьуьзуь кьилихъ уьмуьрдин сир

Вирибуруз жедач ачух,

Заз даим яз ганвач уьмуьр.

Зазни чидач а сир артух.

За ракъиниз икрамзава,

Куьз лагьайтIа кун паталди

 

Кузвай туш ам – кузва цава

Инсанриз бахт гун паталди.

Яд кьери тир гъвечIи лекъве

Жедачни кьван сирнав ийиз?

Амма кIанда гьуьлуьн лепе

ВикIегь, халис сирнавчидиз.

Къал къачуда лепейри тик,

Гъида ажал, хьайитIа ленг…

Уьмуьрдани ква зи вилик

Женгни тIурфан, тIурфанни женг!

За ракъиниз икрамзава,

Ам игит я – нур мидаим.

Гьар инсандин рикIе ава

Адан цIелхем ва адан чим.

 


Фазу Алиева

ВИ ПАШМАНВАЛ ЗАЗ ЦЕ…

Ви пашманвал заз це, зи яр,

Ам зи капал эциг на.

Къене хуьмир хуравай пар,

Кьамир гъамни рикIик на.

Ви пашманвал за ви вилик

Ашкъидин цIуз ракъурда.

Ялавди ам, живедин чиг

ЦIерекIвар хьиз, цIурурда.

Ви пашманвал вили цавуз

Ахъайда за гъилелай.

Гумади хьиз цава лув гуз

Алатда ам кьилелай.

Ви пашманвал, са гъаб руьхъ хьиз,

Вугуда за гарарив.

ЧукIурда ам за уьрушдиз,

Чигедавкай тIулариз.

Ви пашманвал батмишда за

Гьуьле чи шад йикъарин.

Ваз вири бахт къурмишда за

Чилеринни цаварин!

 

КЬЕГЬАЛВАЛ

Са куьнкайни кичIе тахьун замин я

Агалкьунрин, гъалибвилин гьунардин.

Кьегьалвал чаз гена артух лазим я,

Зур гузватIа терс тIурфанри пайгардиз.

Ви куьмекдиз атай чIавуз кьегьалвал,

КIусни кьулухъ чIугвадач ви жезбиди.

Манийвилер квахьда, гьиссна усалвал,

Ваз виликди эверда пак буржиди.

Вуна тазвай гел басмишдач живери,

Тухудач ам зулун къати селлери.

Амукьда ви уьмуьр, нурлуз куз жеда,

Гележегдин несилриз экв гуз жеда.

 


Поделиться с друзьями:

mylektsii.su - Мои Лекции - 2015-2024 год. (0.006 сек.)Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав Пожаловаться на материал