Воздыхания грешныя души ко христу, Сыну Божию

Изведи из темницы душу мою, исповедатися имени Твоему.

Иисусе, Сыне Божий, помилуй мя.

Привлецы мене, да прииду к Тебе.

В темнице заключен есмь, Господи, и тьма окружает мя; связан многими узами железными, и несть ми ослабления. Расторгни узы, да свободен буду. Прожени тьму, да узрю свет Твой. Изведи из темницы, да прииду к Тебе.

Даждь ми уши слышати Тя.

Даждь ми очи видети Тя.

Даждь ми вкус вкусити Тя.

Даждь ми ухание благоухати Тя.

Даждь ми нозе прийти к Тебе.

Даждь ми уста глаголати о Тебе.

Даждь ми сердце боятися и любити Тя.

Настави мя, Господи, на путь Твой, и пойду во истине Твоей.

Ты бо еси путь, истина и живот.

Возми мое от мене, и даждь ми волю творити волю Твою благую.
Отъими ветхое, и даждь ми новое.

Отъими сердце каменное, и даждь сердце плотяное, Тебе любящее, Тебе почитающее, Тебе после­дующее.

Даждь ми око, да узрю любовь Твою.

Даждь ми око, да узрю смирение Твое и после­дую ему.

Даждь ми око, да узрю кротость и терпение Твое, и последую ему.

Рцы слово, и будет все, Ибо слово Твое дело есть.

Верую, Господи, помози моему неверию.

Иисусе, Сыне Божий, помилуй мя! Буди моей души пища и питие. Буди источник жаждущей души моей. Буди свет помраченной души моей.

Буди отрада в скорби моей.

Буди веселие в печали моей.

Буди избавление противу пленения моего.

Буди мир и покой противу злыя совести моея.

Буди премудрость противу безумия моего.

Буди ходатай противу клеветников моих.

Буди оправдание противу грехов моих.

Буди освящение противу нечистоты моея.

Буди победа противу неприятелей моих.

Буди щит противу гонителей моих.

Буди ходатай мой противу гнева Божия.

Буди жертва за грехи моя.

Буди укрепление в слабости моей.

Буди живот противу смерти моей.
Буди совет противу недоумения моего.

Буди сила противу немощи моея.

Буди мне сиру Отец вечный.

Буди Судия противу оскорбляющих мя.

Буди Царю противу диавольскаго царствия.

Буди вождь в пути моем.

Буди заступник в час смерти моея.

Буди покровитель по смерти моей.

Буди жизнь вечная по воскресении моей.

Иисусе, Сыне Божий, помилуй мя.

Даждъ славу имени Твоему, мне же спасение вечное.

Не нам, Господи, не нам, но имени Твоему даждъ славу. Аминь.

Господи, аще хощеши, можеши мя очистити (прокаженный Христу). Христос: хощу, очистися. И абие очистися ему проказа (Мф. 8, 2-3).

Господи, отрок мой лежит в дому разслаблен, люте стражда. Иисус ему: Аз пришед изцелю его. И отвещав сотник, рече (Ему): Господи, несмъ достоин, да под кров мой внидеши: но токмо рцы слово, и исцелеет отрок мой (сотник в Капернауме ко Христу).

Христос: иди, и якоже веровал ecu, буди тебе (Мф. 8, 6-8, 13).

Господи, спаси ны, погибаем (ученицы, страждущий на море, Христу). Тогда востав, запрети ветром и морю, и быстъ тишина велия (Мф. 8, 25-26).
Дерзай, чадо, отпущаются ти греси твои (Христос к разслабленному, лежащему на одре). Востани, возми твой одр и иди в дом твой. И востав, (взем одр свой,) иде в дом свой

(Мф. 9, 2, 6-7).

Не требуют здравии врача, но болящии. Шедше же научитеся, что есть: милости хощу, а не жертвы; не приидох бо призвати праведники, но грешники на покаяние (Христос к фарисеом) (Ос. 6; Мф. 9, 12-13).

Иисус же обращъся и видев ю, рече: дерзай, дщи, вера твоя спасе тя. И спасена быстъ жена от часа того (Христос к жене кровоточивой, прикоснувшей­ся созади воскрилию ризы Его) (Мф.9, 22).

Помилуй ны, (Иисусе) Сыне Давидов (два слепца ко Христу). Христос к ним: по вере ваю буди вама. И отверзостася очи има (Мф. 9, 27, 29-30).

Видя же ветр крепок (Петр апостол ходяй по водам ко Христу), убояся, и начен утопати, возопи, глаголя: Господи, спаси мя. И абие Иисус, простер руку, ят его и глагола ему: маловере, почто усумнелся, ecu? (Мф. 14, 30-31).

И се, жена хананейска, от предел тех (страны Тирския и Сидонския) изшедши, возопи к Нему, глаголющи: помилуй мя, Господи, Сыне Давидов, дщи моя зле беснуется и проч. Она же пришедши поклонися Ему, глаголющи: Господи, помози ми. — Она же рече: ей, Господи: ибо и пси ядят от крупиц падающих от трапезы господей своих. Тогда Иисус: о, жено велия вера твоя: буди тебе, якоже хощеши (Мф. 15
Помилуй мя, Господи, Сыне Божий: душа моя зле беснуется. Господи, помози ми. Даждь ми, да насы­щуся и аз, яко пес от крупиц, падающих от трапезы рабов Твоих.

Помилуй ны, Господи, Сыне Давидов (слепца два ко Христу).

Народ же прещаше има, даумолчита: она же паче вопияста, глаголюща: помилуй ны, Господи, Сыне Давидов. - Глаголаста Ему: Господи, да отверзетеся очи паю. Милосердовав же Иисус прикоснуся очию има: и абие прозреста има очи, и по Нем идоста (Мф. 20, 30-31, 33-34).

Помилуй мя, Господи, Сыне Божий. Умилосердися, Иисусе, Сыне Божий. Да отверзутся очи мои, да узрю свет Твой, и иду по Тебе.

Иисус же рече ему (отцу, ему же сын бесновася): еже аще что можеши веровати, вся возможна верующему. И абие возопив отец отрочате, со слезами глаголаше: верую, Господи: помози моему неверию. Видев же Иисус, яко срищется народ, запрети духу нечистому: глаголя Ему: душе немый и глухий, Аз ти повелеваю: изыди из него и ктому не вниди в него (Мк. 9, 23-25).

Благий Учителю, Сыне Божий, приведох душу мою к Тебе, имущую бесы: верую, помози моему неверию, повели изыти и ктому не внити: вся Тебе повинуются.

И видев ю Господь, милосердова о ней и рече ей: не плачи. И приступлъ коснуся во одр, носящий же сташа: и рече: юноше, тебе глаголю, востани. И ceде мертвый и начат глаголати (о вдовице и сыне ея во граде Наине) (Лк. 7, 13-15).

Егоже ради, глаголю ти, отпущаются греси ея мнози, яко возлюби много: а емуже мало остав­ляется, менше любит. Рече же ей (жене плакавшей): отпущаются тебе греси (Лк. 7, 47-48).

Обращъся же запрети има (Иакову и Иоанну) и рече: не веста, коего духа еста вы: Сын бо человечес­кий не прииде душ человеческих погубити, но спасти (Лк. 9, 55-56).

Слава Твоему человеколюбию, незлобиве Господи!

Остави мертвыя погребсти своя мертвецы (Лк. 9, 60).

Никтоже возложъ руку свою на рало и зря вспять, у правлен есть в Царствии Божий (Лк. 9, 62).

Темже паче, братие, потщитеся известно ваше звание и избрание творити (2 Пет. 1, 10).

А ихже предустави, тех и призва: а ихже призва, сих и оправда: а ихже оправда, сих и прослави (Рим. 8, 30).

Оправдившеся убо верою, мир имамы к Богу Господем нашим Иисус Христом (Рим. 5, 1).

Вера без дел мертва есть (Иак. 2, 26).

Имея веру и благую совесть, юже нецыи отринувше, от веры отпадоша (Ним. 1, 19).

Бога исповедуют ведети, а делы отмещутся Его (Тит. 1, 16).

О Христе бо Иисусе ни обрезание что может, ни необрезание, но вера любовию поспешествуема (Гал. 5, 6).
Пою милосердие Твое, Человеколюбче, и покланяюся богатству милости Твоея, Владыко: создание бо Твое хотя спасти, смерть подъял еси, Милостиве. Страстей Твоих ради помилуй нас.

Кийждо уд святые Твоея плоти безчестие нас ради претерпе: терние - глава, лице - оплевание, челюсти - заушения, уста - во оцте растворенную желчь вкусом, ушеса - хуления злочестивая, плещи - биения, и рука - трость, всего телесе - протяжения на кресте, членове - гвоздия и ребра - копие. Пострадавый за ны и от страстей свободивый нас, снизшедый к нам человеколюбием и вознесыи нас, всесильне Спасе, помилуй нас (Стихира в Великий Пяток на утрени на стиховне).