Что воздам Господеви о всех, яже воздаде ми?

Понеже Ты, о Спасе наш, пришел в мир ради всех, то и ради мене, ибо и я един от всех; пришел в мир грешники спасти, то и мене, ибо и я един от греш­ников; пришел взыскати и спасти погибшаго: то и мене, понеже и я един от погибших; О Боже мой, Господи мой и Творче мой! Мне бы должно было приитить к Тебе, яко преступнику закона Твоего, и пасти, и повергнуть себе пред Тобою, и со смирением просить прощения у Тебе, и молити Тя, и искати у Тебе милости: но вот Ты Сам пришел ко мне, ко мне, окаянному и непотребному рабу Своему; пришел Господь мой ко мне, отступнику и врагу, пришел Владыка мой и посетил человеколюбием Своим. Слыши, душе моя, и внимай: Бог к нам пришел, Господь наш посетил нас. Мене ради родился еси от Девы-Матери, рожденный от Отца прежде век; мене ради пеленами повился, покрывали небо облаки и одеяйся светом, яко ризою; мене ради в убогих яслях положился, имели престол небо и подножие землю; мене ради млеком питался матерним, питаяй всякую плоть; мене ради на объятиях матерних носился, седяй на херувимах и содержай всю тварь; мене ради по закону обрезался, закона Творец; мене ради невидимый явился еси и с человеки пожил еси Бог мой; Бог мой уподобился мне, человеку, ради мене, и Слово плоть бысть, и Господь мой, Господь славы, зрак раба принял ради мене, и на земли пожил, и ходил по земли, Царю небесный; трудился, чудодействовал, с человеками беседовал, обращался яко раб, Господь всех; алкал, жаждал питаяй и напаяй всякую плоть, плакал отъемляй всякую слезу, болезновал и печалился Утешитель всех, со грешниками обращался един святый и праведный, утруждался всемогущий, не имел где главы подклонитъ во свете живый неприступном; нищ был подаяй всем богатство; от града во град и с места на место переходил везде Сый и вся исполняяй. И так тридцать три года и более на земли пожил и трудился мене ради, раба Своего, Сыне Божий, Отеческих недр не разлучився. Но что Ты видел во мне, достойное очесам Твоим, что в юдоль сию плачевную пришел взыскати мене? Ищут пастыри овец заблуждших, но ради своей пользы ищут; ищут потеряннаго добра люди, но ради своей корысти ищут; исходят люди в чужия страны, но ради своей корысти; искупают цари пленников, но чрез сребро и злато, чрез посланников своих и, по большей части, ради себе. Но Ты что таковое сыс­кал во мне, Владыко мой? Какую пользу, какую корысть и какое добро, когда пришел ко мне взыскать мене, и пришел Сам Царь небесе и земли, а не чрез посланников, Сам Господь пришел взыскати раба Своего и искупити, - искупити не сребром и златом, но честною Своею кровию? Весьма ничего, кроме единаго растления, немощи, окаянства, непослу­шания и вражды к Тебе! Велико бы было дело, ежели бы Ты пришел взыскати мене, неволею погибшаго и нуждею от врага моего отведеннаго от Тебе и плененнаго: но се, коль непонятно дело, что я - отступник самоизвольный, я отступник и враг Твой. Ах, стыжуся и говорить того, но истинно есть: я отступник от Тебе и пошел сам во след врага Твоею; я в совет с ним вступил и хотел похитить божест­венную честь Твою; Богом восхотел быть создание Твое, недовольствуяся тем, что Ты мене почтил паче прочиих тварей Твоих, душею разумною и образом Твоим божественным почтил. Мала мне сия великая, показалася честь; Богом быть похотел, и тако обезчестить Тебе, почетшаго мя, Владыко мой; весьма оскорбил, и прогневал безконечное величество Твое, и тако врагом Твоим соделался. Вот каков я пред Тобою, ради котораго пришел Ты! Однакож, не находя ничего во мне, кроме единаго спасения и корысти моея во мне, пришел искати мене. Бедствие мое и погибель моя были убыток Твой: спасение мое было прибыток Твой. Что я погибл, то Ты Себе за убыток вменил; чтобы мне спастися и блаженным быть, за прибыль Себе поставил Ты. Не терпела благость Твоя видеть мене в погибели и убедила Тебе, непобедимаго, снити ко мне и взыскати мене: ни ходатай, ни ангел, но Сам, Господи, пришел ecu ко мне, пришел ко мне, понеже я не мог прийти к Тебе. Надобно было пастырю изыти, потрудитися и искати овцу заблуждшую на горах. Посетил мя еси человеколюбием Твоим, Господи мой; поискал мя еси без Твоея корысти, Пастырю мой; возлюбил мя еси без Твоей пользы, Боже мой! Сия бо есть истинная любовь - любить без всякия своея пользы и делать добро без надежды воздаяния. Ты мене тако возлюбил, Любителю мой: изшел бо еси на спасение мое без Твоея корысти. О, благости и человеколюбия Твоего, Сыне Божий и Сын Приснодевы! О, блаженства нашего, беднии и окаяннии человеки, ради которых Господь и Царь наш пришел и с нами пожил ради нас! Бог уподобился человекам и пришел к нам ради нас! О, блаженное чрево, носившее Тя, и сосца, яснее ecu ссал, Сыне Божий! Блаженнии тыя пелены, которыми повился еси! Блаженнии ясли, в которых положился еси! Блаженнии руце, которыми носился еси младенец, прежде (век) сый Бог наш! Блаженнии ризы, которыми одевался Бог во плоти, одеяйся светом яко ризою! Блаженнии очи, видевшии Тя, и уши, слышавший Тя, и руце, осязавший Тя, Слове живый и живот даяй! Блаженное тое время, в которое Ты, Царю небесный, явился на земли! Но далеко блаженнейший, которые Тя не на земли ходяща, но одесную Отца седяща видят, Иисусе, на Егоже, ныне не зряще, верующе же, радуются радостию неизглаголанною и прославленною вернии Твои на земли. Сподоби мене ныне Тя верою зрети и любовию почитати, и тамо лицем к лицу видети!
Но посмотри, душе моя, как Царя небеснаго сретили подданнии Его, как приняли ради Господа своего, как почтили Бога своего восплотившагося людие Его, какий дар, какое благодарение, честь и поклонение отдали Благодетелю своему, которых Он пришел спасти, пред которыми чудодействовал, у которых прокаженных очистил, больных исцелил, разслабленных воздвиг, слепых просветил, хромых и погорбленных исправил, мертвых воскресил и многия тысящи алчных напитал. Ах, стыд покрывает лице мое, ужас содержит сердце мое, и язык трепещёт говорити!.. Евангелист Его святый с жалостию вопиет нам: во своя прииде, и свои Его не прияша, и отвергошася, глаголюще: нехощем, да сей царствует над нами! Страшен и жалок слух! Бог во плоти пришел к людем Своим, - и не прияша Его; Царь и Господь пришел к подданным рабам Своим, - и отвергошася Его. Слыши небо и внуши земле: люди Бога своего, и раби Господа своего, и поддании Царя своего не прияша!.. О Боже мой! Ведал еси сия вся, но обаче пришел еси, да спасеши мя, погибшаго, и взыщеши заблуждшаго. Не воспятила Тебе злость и неблагодарность врагов Твоих, но убедила благость и любовь Твоя и бедность моя, и недовольно было неблагодарным Господа и Благодетеля своего не принять и отрещися, но зло ко злу и лютость и безчеловечие к толикой грубости своей приложили; учение Твое небесное за беснование почтили: беса иматъ и неистов есть, что Его послушаете? Чуде­са Твоя веельзевулу, врагу Твоему, приписали: сей о веелъзевуле, князе бесовстем, изгонит бесы; что Ты со грешниками обращался, хотя их уловити благосклонностию Твоею и спасти, - называли Тебе ядцею и винопийцею, другом мытарей и грешников и прочия хулы отрыгали на Тебе, Господа и Благо­детеля своего, на Тебе, высшаго всякия чести!.. О, лютости и неблагодарности человеческия! О, благости и долготерпения Твоего Господи! - Далее - искали убити Тя, Спасителя своего, пришедшаго их спасти: видел Ты совет их злой и сердце, злобою дышущее, видел, сердцеведче Господи, но терпел. Сыскали на то орудие свое - неблагодарнаго ученика Твоего: той Тебе безценнаго продал за тридцать сребренников; за так малую цену дражайшаго паче всего мира и паче тысящи миров продал. Видел Ты нечестивый совет и беззаконный торг их, — видел и терпел, хотя за мене, непотребнаго раба Своего, пострадати и Своею кровию мене очистити, и Своею смертию мене оживити, и Своим безчестием мене почтити. Слава Тебе о всем, о Любителю мой!

Проданнаго и переданнаго Тебе, или паче Самого Своею волею предавшагося им и изшедшаго к ним, ищущим Тебе, ведущаго вся грядущая на Тебе, связали Тебе, - связали Тебе, непреступнаго херу­вимам и серафимам Господа; судили Тебе, судию живых и мертвых, ругали Тебе, безчестили, плевали на святое лице Твое, на которое не смеют ангели взирати, и по ланите ударяли, и смерти повинна осудили Тебе, живота всех; предпочтили Тебе разбойника и убийцу - Тебе, Сыну Божию, единому благому и праведному. Возопиша вси народи, глаголюще: возми сего, отпусти же нам Варавву; распни, распни Его! О чудо, о ужас и дело неслыханное! Извели вне града, яко осужденнаго, и, яко злодея, между злодеями повесили, и умертвили единаго беземертнаго, и висяща на кресте хулили, покивающе главами своими, дали в снедь Твою желчь. и в жажду Твою напоили Тя оцта; ископаша руце и нозе Твои, исчетоша вся кости Твоя, умершему Тебе ребра прободоша, и паки умершаго хулили: помянухом, яко льстец, он рече и проч.; под стражу воинскую отдали пречистое тело Твое и гроб Твой запечатали. Сия Тебе воздали, Боже мой, людие Твои - Тебе, пришедшему спасти их!..

Терпел еси всю злобу их и, якоже агнец, ведомый на заколение, не отверзал еси уст Твоих; терпел Господь от рабов Своих, Создатель от создания Своего, Бог от людей Своих, Царь от подданных своих, Благодетель от приемших безчисленныя благодеяния, праведный и неповинный от беззаконников; терпел пред небом и землею, пред ангелами и человеками, пред многонародным позорищем, пред другами и врагами, - терпел, обнаженный и от всех оставленный. А понеже ради всех в мир пришел, то ради всех и терпел, то и ради мене терпел, понеже и я един от всех, о Господи мой! Ради мене толикое безчестае и мучение терпел. Господь мой?! Земля и пепел, грешник и раб непотребный!.. О новое и неслыханное чудо, неизреченная и непостижимая благость, непостижимое снизхождение! Востани, душе моя, востани, ужаснися, смирися, поклонися и припади Господу твоему! Воспой Господеви песнь нову, яко дивна сотвори Господь! Создатель и Господь мой за раба Своего, раба окаяннаго, непотребнаго и законопреступнаго, страдал, терпел и умер. Я -разоритель закона и беззаконник, я безчеститель и хульник; я себе предал врагу своему - диаволу, демонскаго оплевания, посмеяния, ругания, зауше­ния, биения, мучения и смерти вечныя достоин. Но ты, Владыко мой Господь, претерпел вместо мене. Раб согрешил, но Господь мой казнь терпел; раб провинился, но Господь: мой биен; раб восхитил, но Господь мой воздавал; раб должник был, но Владыко мой долг платил, - чим? не сребром, не златом, - но чим? Своим безчестием, Своими ранами, Своею кровию и смертию Своею, смертию же крестною. За мене, окаяннаго и проклятаго, клятвою был еси, един благословенный во веки; за мене, хульника, хулу и безчестие претерпел еси, Господи славы; за мене, проданного под грех, продание претерпел еси, безценный; за мене суд и осуждение, за мене смерть претерпел еси, Владыко и Творче. Слава Тебе, слава Тебе, слава Тебе о всем. Не имею ничего инаго принести Тебе, кроме сего: слава Тебе!.. На земле пожил еси, Царю небесный, да мене на небо возведеши, изгнаннаго из рая; родился еси от Девы плотию, да мене отродиши духом; хуления претер­пел еси, да моим врагом, клевещущим на мя, заградиши уста; обезчестился еси, высший всякия чести, да мене, обезчещеннаго, почтеши; плакал еси, да от моих очес отымеши слезы; воздыхал, скорбел, тужил, да от мене отымеши вечное воздыхание, скорбь, тугу, болезнь и подаси вечную радость и веселие; продан и предан был еси, да мене плененнаго свободиши; связан был еси, да мои узы растерзавши; суду неправедному предстал еси, Судяй всей земли, да мене вечнаго суда избавиши; обнажен был еси, да мене, обнаженнаго, облечеши в ризу спасения и одеждою веселия одееши; венчался еси тернием, да мне венец живота подаси; царь поруга­ния нареклся еси, Царю всех, да мне Царствие небесное отверзеши; тростию по главе биен был еси, да мене в книге животной напишеши; вне града пострадати изволил еси, да мене, изгнаннаго из рая, в небесный Иерусалим введеши; между злодеями вменился еси, един Праведный, да мене, нечестиваго, оправдаеши; клятвою был еси, един Благословенный, да мне, проклятому, благословение подаси; кровь Свою излиял еси, да мой гной и скверну греховную омыеши; оцтом напоен был еси, да мне подаси ясти м пити на трапезе во царствии Твоем; умер еси, Животе всех, да мене, умершаго, оживиши; во гробе положен был еси, да мене из гроба воздвигнеши; воскресл еси, да мене о моем воскресении увериши; вознесся еси на небо, да мене туды же вознесеши и прославиши во царствии Твоем. Сия Ты мне, рабу Своему, сотворил еси! О Господи, что естъ человек, яко помнииши его, или сын человеч, яко вменяеши его?

Человек есть земля и пепел, и святаго Твоего закона разоритель: однакож тако его почтил еси, почтил обезчестившаго Тебе, Творца и Господа своего; ущедрил еси создание Твое, Творче мой; помиловал еси раба Твоего, Владыко мой; взыскал еси заблуждшую овцу, Пастырю мой; избавил еси плененнаго, Избавителю мой; призвал еси отверженнаго, Боже мой; свободил еси окованнаго, Свободителю мой; оживил еси умершаго, Животе мой; возставил еси падшаго, Сила моя; почтил еси обезчещеннаго и заступил еси безпомощнаго, Заступниче_мой: растерзал ecu узы моя. Тебе пожру жертву хвалы. Исповедаю благодать Твою, лобызаю челове­колюбие Твое, покланяюся благости и милосердию Твоему, почитаю и пою непостижимое снисхождение Твое. О, что воздам благости Твоей, Любителю мой, что воздам Господеви о всех, яже воздаде ми? Ае бы тысящу раз умер я ради Тебе, ничто бы было: понеже Ты - Господь мой, Создатель мой и Бог мой, я же - земля и пепел, и грешник, и раб Твой непотреб­ный и достоин всякия смерти, не токмо временныя, но и вечныя. Что воздам Тебе, Господу моему, Любителю моему, Заступнику моему, Свободителю моему, Искупителю моему? Что воздам Тебе, Кото­рый мене ради Себе не пощадел, но Себе на безчес-тие, хуление, посмеяние, ругание, оплевание, осужде­ние, биение, раны, мучение, распятие и смерть предал еси, да мене, беднаго, окаяннаго и отверженнаго, блаженным сделавши? Что воздам, который не имею ничего своего, кроме растления, немощи грехов? Душа и тело мое и состав мои - от Тебе есть, Твой есть, но от мене... увы мене!.. растленный и испорченный. Совет лукаваго и воля моя растлела мене. Сердце благодарное принесу Тебе, чего Ты единаго от мене хочешь. Но и того не могу без Тебе: ибо Тебе без Тебе не могу познать и, познаннаго, любить! О, как я нищ, как убог, как я немощен, как я окаянен и растлен! О, как мене враг мой уязвил и сокрушил! Но, Избавителю мой, помилуй мя, егоже возлюбил еси и предал еси Себе по мне, - помилуй мя и просвети мя, да познаю Тебе, в Немже живот мой, и возжги в сердце моем любовь Твою, и постави на камени ноги мои, и исправи стопы моя, да пойду вслед Тебе, Избавителя моего и Вождя моего единаго, к небеси и вечному животу. Влеки мене за Собою, о Любы горящая! Побежим в след Тебе: в воню мира Твоего побегу, да идеже Ты еси, тамо и раб Твой, Тобою искупленный, буду, да вижду славу Твою. О милостиве, благоутробне, о человеколюбче! Дай мне сердце последовати Тебе; настави мене на путь Твой, по которому избрании и Твои идут; веди мене за Собою Духом Твоим Святым: Дух Твой благии наставит мя на землю праву. Великое Ты сделал дело и уму моему непонятное, что Ты, Господь, Царь небесе и земли, сшел с небес и воп­лотился от Девы Богородицы, и пострадал, и распялся, и кровь Свою излиял ради мене, раба Своего, - велико, во истину велико и дивно! Верую, и исповедую, и признаю, и проповедую, и удивляюсь толикой ко мне, грешному, благости Твоей и человеколюбию... Сделай со мною, грешным, и сию милость Твою. Молю Тя со смирением, Человеколюбче, Любителю мой: очисти мя от всех моих грехов Кровию Твоею Святою, которую за мене, грешнаго раба Твоего, излиял еси, и утверди мене во страх и любви Твоей, и сподоби мя верою и любовию последовати святым стопам Твоим, и сохрани мя силою Твоею от врагов моих, ищущих запяти стопы моя, и отвлещи мя от Тебе, Искупителя моего. Милость Твоя, Тдсподи, да поженет мя вся дни живота моего, да, всеконечно спасся Твоею благодатию, воздам Тебе благодарение лицем к лицу со избранными Твоими, и воспою, и восхвалю, и прославлю Тя, со безна­чальным Твоим Отцем и Пресвятым Твоим Духом, в безконечные веки. Аминь.